Bililhong Tabang Alang sa mga Proyekto sa Tunghaan

“ANG mga basahong Bantayanang Torre ug Pagmata! sa tino mao ang labing matulon-anon, dali kaayong basahon ug sabton, ang tukma kaayo sa panahon, ug ang makapadasig kaayong mga basahon nga nabasa ko sukad,” misulat ang usa ka tin-edyer nga magbabasa. “Ang impormasyon alang sa kadaghanan sa akong mga proyekto sa tunghaan nagagikan niining mga magasina. Kon ako may tun-an sa tunghaan, anaa ang usa ka artikulo sa mao mismong ulohan nga magdasig kanako ug magtabang kanako nga masabtan ang topiko ug ang kahinungdanon niini.

“Pananglitan,” siya miingon, “ako nagkinahanglag usa ka topiko sa usa ka proyekto sa siyensiya alang sa Pasundayag sa Siyensiya nga kami kinahanglang makigbahin. Ang proyekto nagkinahanglag tulo ka poster, usa ka report, ug usa ka hularan. Busa ako mihukom sa pagsulat bahin sa pag-init sa yuta, nga gihisgotan diha sa Septiyembre 8, 1989, sa Pagmata! Gipasukad ko ang akong mga poster sa mga ilustrasyon nga makita diha sa mga artikulo ug gigamit ang impormasyon niini alang sa akong report. Ang akong magtutudlo sa biolohiya naghatag kanakog kinatas-ang marka, ug akong nadawat ang unang-dapit nga ganti alang sa seksiyon sa ekolohiya ug sa konserbasyon!”

Kon buot nimo nga makadawat ug kopya sa Ang Bantayanang Torre ug Pagmata! nga ipadala sa imong balay, o kon buot kag libreng pagtuon sa Bibliya sa balay, palihog pagsulat sa Watch Tower, P. O. Box 2044, 1099 Manila, o sa nahiangay nga adres nga nalista sa panid 5.