Ang Sulbad sa mga Suliran sa Rasa

Sa dili pa dugay usa ka tawo gikan sa Oklahoma, T.B.A., nakadawat ug kopya sa magasing Pagmata! nga naghisgot sa ulohang “Magkahiusa ba Gayod ang Tanang Rasa?” Gipatunong ang iyang sulat sa “Minahal nga mga Magmamantalang Watchtower,” ang tawo misulat:

“Karon lang ako nakabaton ug maayong higayon nga mabasa ang inyong Agosto 22, 1993, nga isyu sa Pagmata! nga naghisgot sa suliran bahin sa mga relasyon sa rasa. Ako nahibulong, ug nakadayeg, sa inyong pagkamakataronganon, maalamong pagsabot niining komplikadong problema.

“Dili pa dugayng natapos ko ang akong kurso sa kolehiyo labot sa kasaysayan sa T.B. Apan sa 9 ka panid lamang sa inyong magasin nahatag ninyo ang usa ka mubo nga kasaysayan, pagpatin-aw, UG SULBAD niining malalangon nga problema nga labaw pa sa usa ka bug-os nga semestre nga pag-eskuyla sa kolehiyo. Ang mga artikulo timbang kaayo nga imposible nga matag-an ang gigikanang rasa sa mga magsusulat.

“Samtang ang kalibotan nahimong dugang nga nagkabahinbahin sa mga rasa, ang tanan kinahanglang maladlad niining matanga sa impormasyon, kutob sa inyong mapatik. Salamat sa inyong kaisog sa pagpatik sa kamatuoran ug sa timbang nga panghunahuna.”

Kon buot nimo ang usa ka kopya sa Pagmata! nga ipadala sa imong balay, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga gilista sa panid 5.