Usa ka Modernong-Adlaw nga Maayong Samarianhon

USA ka minyong babaye sa Canada ang nahiagom sa aksidente sa awto. Usa ka modernong-adlaw nga Maayong Samarianhon ang mitabang kaniya. (Lucas 10:29-37) Kay natandog sa iyang kalulot, siya misulat sa mosunod ngadto sa The Georgetown Independent:

‘Minahal nga Editor:

‘Nagsulat ako tungod sa duha ka katarongan. Una, buot kong pasalamatan ang usa ka molupyo sa Georgetown nga mitabang kanako niining milabayng hinapos-sa-semana human mawad-ig preno ang akong awto ug midasmag ngadto sa usa ka kanal.

‘Si G. John Saunders miagi nga nagdrayb sa iyang awto ug mihunong. Gisugdan niya ang first aid ug mapasaligon kaayo. Nagpabilin siya uban kanako hangtod nga ang mga drayber sa ambulansiya ug mga polis mipuli. Bulahan ang imong komunidad sa pagkabaton ug usa ka Maayong Samarianhon sama kang G. Saunders nga nagpuyo sa imong komunidad.

‘Si G. Saunders miduaw sa akong bana ug kanako sa ospital, aron lamang sa pagseguro nga maayo ra ako. Nakurat ako sa pagkasayod nga si G. Saunders nagtrabaho sa ulohang opisina sa mga Saksi ni Jehova sa Georgetown. Kanunay akong naghunahuna nga kanang mga tawhana wala magtuo sa medisina, ug dinhi ang usa kanila migamit ug first aid nga medikal nga pagbansay alang kanako. Kini nagdala kanako ngadto sa ikaduhang katarongan sa akong pagsulat.

‘Buot kong mangayog pasaylo sa tanang Saksi ni Jehova tungod sa kabastos nga akong gipakita kanila sa dihang miduaw sila kanako. Kanunay akong nagtuo nga kamo mga panatiko. Gipamatud-an ni G. Saunders nga kining naghingaping panghunahuna maoy sayop. Kamong tanan maoy normal nga mga tawo lamang nga naningkamot sa pagbuhat sa kon unsay inyong gibati nga matarong.

‘Sa makausa pa, salamat, G. Saunders, ug padayong hupti ang imong pagtuo. Magapanalangin kanimo ang Diyos.

‘T. M., Toronto’

Ang mga Saksi ni Jehova nagtuo nga ‘kinahanglang higugmaon nimo ang imong silingan sama sa imong kaugalingon.’ (Lucas 10:27) Kon buot nimong mokat-on ug dugang bahin sa mga Saksi ni Jehova o buot nimong makabaton ug libreng pagtuon sa Bibliya, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 5.