“Kini Morag Usa ka Librong Gusto Nakong Basahon”

SI Jessica, usa ka estudyante nga 16-anyos sa hayskul sa Siyudad sa New York, misulat sa Pagmata!: “May usa ako ka magtutudlo sa kasaysayan nga walay mausa, husto kana walay mausa, ang nakaangay. Iyang giasaynan ang klase ug ginurupong mga proyekto bahin sa ‘Ang Dagkong mga Relihiyon.’ Ang akong grupo naasayn sa Islam. Wala ako mabalaka kay nasayod ako nga nasangkapan akog maayo tungod sa librong Pagpangita sa Katawhan sa Diyos. Giandam nako ang kinamaayohang report nga akong mahimo.

“Ang adlaw miabot sa dihang ang among grupo mohatag sa binaba nga report. Ang magtutudlo nagsal-ot ug sulti ug nagsinggit sa mga estudyante, mao nga mora akog gikuyawan. Sa dihang ako nang turno, akong giingnan ang klase mahitungod sa linaing mga dagway sa Islam. Akong gipasa ang librong Pagpangita, ug giingnan ang mga estudyante nga tan-awon ang mga hulagway sa mga panid 286 ug 289. Sa dihang gisusi sa magtutudlo ang libro, gibalda niya ako nga nag-ingon, ‘Kadiyot lang, imo ba kining libroha? Mahimo ko ba kining mabatonan?’ Ako mitubag, ‘Dad-an tikag kopya kon gusto nimo.’ Mingaya ang iyang nawong, ug siya miingon: ‘Labing maayo. Kini morag usa ka librong gusto nakong basahon.’ Ang akong kasingkasing nagkubakuba pag-ayo tungod sa kaukyab ug kakurat, nga nagkabungabunga na hinuon ako sa nahibilin sa akong report.

“Gihatagan niya akog usa sa kinatas-ang mga grado sa klase (95) mahitungod sa report. Ako nagpasalamat kang Jehova nga Diyos ug kaninyo mga igsoon tungod sa paghatag kanamo sa maong bililhong himan sama sa Pagpangita sa Katawhan sa Diyos.”

Kon gusto nimo ug dugang impormasyon mahitungod sa bisan unsang ulohan nga nahisgotan niining magasina o gustog usa ka libreng pagtuon sa Bibliya sa balay, palihog pagsulat sa Watch Tower, P.O. Box 2044, 1099 Manila, o sa labing duol nga direksiyon nga nalista diha sa panid 5.