‘Usa ka Gasang Dili Ikatandi’

KANA, sa pagkatinuod, ang gipamulong sa usa ka babaye nga gikan sa São Paulo, Brazil, mahitungod sa gasa nga publikasyong Akong Basahon sa mga Estorya sa Bibliya. Gipadalhan sa iyang tiya ug libro ang anak niya nga babaye nga singko-anyos. Agig apresasyon ang pag-umangkong babaye misulat:

“Matag gabii basahan ko siyag diyutay, ug gusto kaayo siya niana. Siya naikag kaayo niana, nagbangon ug mga pangutana, nagkomento niana, ug naghimo pa ug mga pagtandi diha sa iyang adlaw-adlaw nga kinabuhi, gigamit ang mga pagtulon-an sa libro ingong mga panig-ingnan. Bisag dili ko siya pahinumdoman, iyang kuhaon ang libro, maikagon sa sunod nga sugilanon.

“Hinunoa, buot kong isulti nga ang gasa dili lamang alang kang Natalia; ang pagpakig-ambit sa mga pagtulon-an sa Diyos uban sa akong anak maayo usab kaayo alang kanako. Kana nakadugang kaayo ug dako sa akong kalipay ug pagpasalamat nga nahimong inahan.

“Adunay daghang matang sa mga gasa nga atong ikahatag o madawat, ang pipila ginasukod sa ilang bili sa salapi, ang uban sa ilang gidak-on. Apan kining libroha nga among nadawat dili ikatandi sa bisan hain nianang mga gasaha. Ang bili niana masukod lamang sa gugma sa pagkahatag niana ug sa kalipay nga gipatungha niana diha sa mga kasingkasing nga nakadawat niana.”

Ang mga Saksi ni Jehova maoy internasyonal nga organisasyon nga may kapin sa upat ka milyong mga estudyante sa Bibliya nga debotado sa pagtabang sa mga tawo nga makakat-on pa mahitungod sa mga katuyoan sa Diyos. Kon buot mo ang dugang impormasyon o usa ka libre nga pagtuon sa Bibliya sa balay, palihog pagsulat sa Watch Tower, P. O. Box 2044, 1099 Manila, o sa nahiangay nga direksiyon nga nalista sa panid 5.