‘Siya Nahibalo sa Tanang Tubag sa Bibliya’

Sa dili pa dugay usa ka babaye sa New York State nagpadala sa usa ka kanhing klasmet, nga nagpamilya, sa usa ka kopya sa Akong Basahon sa mga Estorya sa Bibliya. Sa wala madugay ang babaye nakadawat ug sulat gikan kaniya nga niana siya misulat mahitungod sa iyang anak babaye si Elizabeth:

“Gusto kaayo niya ang libro​—kini lamang ang buot niyang basahon ngadto kaniya sa magabii. Siya mabasahan ug lima ka estorya (kay siya singko anyos) sa usa ka gabii, ug sa miaging semana ang iyang magtutudlo sa Sunday school misulti kanako nga siya sa kanunay makasalig kang Elizabeth sa pagkasayod sa tanang tubag sa mga pangutana sa Bibliya. Busa kini gisulat gayod sa usa nga tinuod nakasabot kon unsa ang mga bata.”

Ang babaye sa New York miingon bahin sa iyang higala: “Kini maoy matinud-anon niyang reaksiyon, kay siya prangka kaayo ug dili modayeg sa libro kon dili siya makagusto niini.”

Gibati namo nga mopabili usab ikaw niining matahom-ug-ilustrasyon, dagkog-letrang basahon. Ang 116 ka estorya sa Bibliya nagahatag sa magbabasa sa ideya kon bahin sa unsa ang Bibliya. Kining mga estoryaha mopatim-aw sa han-ay sa pagkahitabo niana nila sa kasaysayan. Imong hidiskobrehan nga kini makatabang gayod sa pagkat-on kon kanus-a, maylabot sa ubang mga hitabo, ang mga butang nahitabo sa kasaysayan. Dawata kining bililhon 256-panid nga libro pinaagi sa pagsulat ug pagpadala sa kupon.

Buot kong makadawat sa gahig-haping librong Akong Basahon sa mga Estorya sa Bibliya. (Sa gawas sa Pilipinas, pagsulat sa lokal nga sangang-buhatan sa Watch Tower alang sa impormasyon. Tan-awa ang panid 4.)