Panid Dos

Sa milabayng pila ka dekada, gipalabi sa tawo ang paagi sa kinabuhi nga misangpot sa labihang polusyon sa biospera sa yuta​—ang yuta, kasubaan, kadagatan, ug atmospera nahiloan. Tibuok nga kalibotan na gayod ang suliran. Sumala sa gipahayag sa papa diha sa iyang mensahe alang sa Adlaw sa Pakigdait sa Kalibotan (Enero 1, 1990): “Sa daghang mga kaso ang mga epekto sa mga suliran sa ekolohiya mosaylo sa mga utlanan sa tagsatagsa ka Estado; busa ang kasulbaran niini dili makaplagan sa nasodnon lamang nga kahimtang.”​—L’Osservatore Romano, Disyembre 18-26, 1989.

Ang kawalay-tagad sa tawo sa iyang ugma maoy sukwahi sa kabalaka sa Diyos alang sa yuta, nga, kon buot sabton, maoy iyang linalang ug propiedad. (Isaias 45:18) Posible ba ang mahinlong yuta? Kon mao, sa unsang paagi ug kanus-a? Ang among serye sa hapin nagatubag niining mga suknaa.