Panid Dos

“Sila manglaag samag mga gypsy, matulog sa mga tubo sa konstruksiyon, sa punog-ilagang mga silong sa giabandonar nga mga balay o sa mga eskina sa kadalanan sa timawang mga tapok. Ang ilang higdaan mao ang nagising mga mantalaan, ang ilang biste nagkagidlay. Palabyon nila ang ilang mga adlaw sa pakigdutdotay, sa pamampam ug sa ginagmayng mga salaod. Mobiktima sila sa usag usa ug sa mga lumalabay.” Kinsa ba sila? Kabataan sa kadalanan nga nagapuyo sa usa ka dakong siyudad sa Latin Amerika, nagtaho ang magasing Time. Apan sila mahimong mao ang mga batan-ong walay balay sa halos bisan unsang dakong siyudad sa kalibotan. Milyonmilyon sila, ug nagauswag nga talagsaon ang ilang gidaghanon.