Ang mga Simbahan Nahikalimot sa “Una ug Labing Hinungdanong Buluhaton”

SI Jesus miingon nga ang una ug labing hinungdanong buluhaton alang sa mga Kristohanon mao ang pagwali sa “maayong balita sa [ebanghelyo] gingharian.” (Mateo 24:14) Hinunoa, ang mga simbahan sa tibuok kalibotan nagpasiugda sa ilang mga pinili sa politika ngadto sa ilang mga parokyano. Pinaagi sa ilang mga binabang mga sermon, mantalaan, ug bisan gani sa ilang pastoral nga mga sulat, ang mga layko o mga sumusunod giawhag nga suportahan ang mga gubat ug ubang mapintasong mga kalihokan sa pagpakig-away sa natukod nga mga kagamhanan. Sila gidasig nga moapil sa mga boykot o mga protesta sa nagkalainlaing politikanhong hinungdan.

Kining pag-apil-apil sa politika gihatagan ug dakong pagtagad sa simbahan nga ang Dutch nga mantalaan Kerk en Theologie (Simbahan ug Teologo) miingon nga ang una ug labing hinungdanong misyon sa mga simbahan nahimong ikaduha na lamang. Kini miingon sa iyang pagsubli sa librong Alles is politiek, maar politiek is niet alles (Ang Tanan Politika, Apan ang Politika Dili Tanan): “Ang simbahan . . . kinahanglan magpahilayo sa iyang kaugalingon gikan sa nagkalainlaing pahayag nga politikanhon. . . . Ang iyang una ug labing hinungdanong buluhaton mao ang pagmantala sa Ebanghelyo.”