Panid Dos

UNSAY mosantop sa imong alimpatakan inigkadungog nimo bahin sa mga tawong matulog sa mga bangko sa parke ug sa mga asiras o manikutkot sa paghigda sa mga karton o sa ilalom sa mga pliegong plastik? Ang makaluluoy nga talan-awong sama niini kaylap gimantala sa mga paumalagian sa balita, ug sinati kaayo niana ang mga taga siyudad. Apan ang problema niining gitawag nga katawhan sa kalye, bisan tuod makapabalaka, tipik rang bahin sa tibuok nga hulagway sa tibuok-kalibotang kakulang sa balay ug sa kawalay-puluy-anan. Unsa ba gayod ang tinuod nga hulagway ug unsa ka seryoso kini?