Duna bay Sekreto ang Taas nga Kinabuhi?

UNSA ka taas buot nimong mabuhi? Ang kinabag-ang katawhan sa industriyalisadong kalibotan moingon, “Hangtod ako 70 o tingali 80.” Apan dihang ang usa ka magsusulat sa National Geographic nangutana niana sa pipila ka molupyo sa Soviet Abkhaz Republic, nga maoy sa utlanan sa Itom nga Dagat, ang kinaiyanhong tubag mao, “Hangtod sa 100.”

Unsa ang pila ka hinungdan nga makaamot sa taas nga kinabuhi? Si Yuri Dadivanyan, Pangulong Doktor sa Tigulang sa Armenian Ministeryo sa Panglawas nagtuo nga ang pangunang hinungdan mao ang kodigo sa gene nga napanunod gikan sa katigulangan. Bisan pa niana, naghisgot siyag laing hinungdan: “Ang regular pakusog nga trabaho hinungdanon usab kaayo. Ang kadaghanang tag-as-kinabuhing mga tawo nagapadayon sa samang pakusog nga trabaho kutob sa mahimo sa pag-abot sa edad sa pagretiro bisan pag wala sila magkinahanglag kuwarta.”

Midugang usab siya: “Sa Armenia ang mga tigulang nagapahimulos sa pagtahod sa tanan. . . . Gipabilhan kaayo ang ilang kasinatian sa kinabuhi. . . . Tingali ang pagtahod sa ubanong buhok ug pagkatigulang nga gidasig diha sa tanan sukad sa pagkabata nagapahinabo sa mga tigulang sa paghawid sa ilang pagbati sa dignidad ug sa ilang batan-ong espiritu.”

Talagsaon ang usa ka komento diha sa gihisgotan nang artikulo sa National Geographic: “Walay mausa sa tulo ka komunidad [nga gitun-an bahin sa pagkataas ug kinabuhi] ang may pinugos nga edad sa pagretiro, ug ang mga tigulang wala ipadaplin, sumala sa mahitabo diha sa kadaghanan sa atong industriyalisadong mga katilingban.”

Ang Bibliya nagahisgot ug labi pang taas nga kinabuhi sa umaabot, “gitas-on sa mga adlaw sa panahong walay katinoan, bisan sa walay kataposan.” (Salmo 21:4) Ang maong kinabuhing walay kataposan sa usa ka hingpit nga yuta mamatuman sa dili madugay.—Pinadayag 21:1-4; Lucas 21:10, 11, 25-33.

[Mga Letrato sa panid 31]

Tulo ka aktibong magbubuhat sa hedkuwarter sa kalibotan sa Watch Tower—mga edad: 80, 92, ug 88