Panid Dos

Gikalkulo nga gikan sa 1970 hangtod 1980 ang gidaghanon sa mga tawong gigutom sa kalibotan miuswag ug mga 1.5 milyon sa usa ka tuig. Apan sa unang katunga sa mga tuig 1980 ang gidaghanon sa mga gigutom milukso sa halos 8 ka milyon sa usa ka tuig, nga nakaabot ug 512 milyon sa 1985—kini nahitabo bisan pa sa panaad sa Konseho sa Pagkaon sa Kalibotan sa Hiniusang Kanasoran niadtong 1974 nga hanawon ang kagutmanan sa kalibotan sulod sa napulo ka tuig.

Karon, ang teolohiya bahin sa kagawasan gisugyot ingong solusyon—ang pagpalangkit sa mga iglesya sa pakigbisog sa pag-usab sa nasodnong politikanhon ug sosyal nga mga gambalay aron mawagtang ang mga hinungdan sa kakabos.

Ang among isyu sa Agosto 8, 1987, sa daklit naghisgot sa epekto sa teolohiya bahin sa kagawasan diha sa kakabos sa Ikatulong Kalibotan. Niining isyuha, ang koresponsal sa Pagmata! sa Mexico nagasusi sa dugang sa isyu kon kaha ang teolohiya bahin sa kagawasan tinuod bang makatabang sa mga kabos.