Kusog sa Karnero

DIHA sa New Zealand, diin nalabwan sa mga karnero ang gidaghanon sa molupyo nga tres milyones ug 23 sa 1, ang mga hayop gigamit sa pagtaganag enerhiya sa nasod. Ang sobrang tambok sa kasarangang karnero gihimoag paagi aron makapatunghag duha ka litrong sibo nga metyhl ester, nga isagol sa regular nga diesel.

Ang resultang may sagol nga diesel malamposong nasulayan diha sa tanang butang gikan sa generitor sa koryente ngadto sa mga barko sa pangisda.

Ang mga trak ug mga bus ginaingon nga nakadagan ug mga disisayis kilometro sa tambok nga makuha gikan sa usa ka karnero. Ang magasing Omni miingon, “ang karnero makatagana ug kapin sa 10 porsiento sa asiete sa nasod ug naneguro nga kon mosugod sa pagtaas pag-usab ang prisyo sa asiete sa kalibotan, ang mga drayber sa New Zealand dili maapektohan.”