Kadaot sa Tabako sa Gresya

SA PAGPAHIMULOS sa titulo sa usa ka popular nga Gregong awit, ang usa ka reporter misulat uban ang pagpakatawa: “Oo, ‘Ang Gresya Dili Gayod Mamatay,’ apan ang mga Grego mamatay.”

“Napulo ka libong tawo mamatay kada tuig tungod sa pagtabako, diha lamang sa among nasod mismo,” mitaho ang usa ka artikulo diha sa Atenyanhong mantalaan nga Eleftheros Typos. Gituohan sa pipila nga ang tinuod nga mangamatay gumikan sa tabako tingali doble ang gidaghanon. Ang Gresya maoy usa ka nasod nga nagatanom ug tabako, ug ang pagtabako maoy nagkaylap nga bisyo taliwala sa mga Grego bisan pa sa daghang taho karong bag-o nga gisulat mahitungod sa kapeligrohang mosangpot sa pagtabako.