Walay-Trabahong mga Tin-edyer

‘Nagkinabuhi nga samag ihalas nga mga mananap,’ mao ang pagbatbat ni Kenneth Livingstone, lider sa Greater London Council, sa walay-trabahong mga Ingles nga tin-edyer diha sa kaulohang siyudad. “Kita adunay linibong kabataang nagalaaglaag sa kadalanan sa London ug nagakalisodlisod sa kinabuhi,” matud pa niya, sumala sa gikutlo diha sa Daily Telegraph. “Makalilisang kini nga situwasyon alang sa 1983, dihang kita nakabaton sa kahinguhaan niining nasora sa pagtagana sa tanan sa desenteng balay, trabaho ug pag-atiman sa panglawas.” Ang laing tigpamaba alang sa konseho midugang nga kini mosangpot sa pagkadelingkuwente ug paglapas sa balaod sa tin-edyer tungod kay “Ilang bation nga walay motibasyon ug nahibulag tungod sa kapakyasan sa nasod sa pagtagana kanila sa kahigayonan sa trabaho.”