Nagauswag nga “Pagrebelde sa Batan-on”

Ang Austrianong chancellor Bruno Kreisky mipahayag nga gawas ang mga gamhanan kaayong nasod mopakitag tiunay nga kaandam nga mokigsabot sa pagkontrolar sa armas ang Kasadpanhong mga gahom nameligro sa usa ka “pagrebelde sa batan-on diha sa demokratikanhong kanasoran nga labi pang laglom ug labi pang seryoso kay sa mga pagrebelde sa estudyante sa 1968.” Sa pagtumong sa lumba sa armas, diha sa interbiyo nga gitaho diha sa International Herald Tribune sa Paris, siya mipasidaan: “Ang tibuok batan-ong kaliwatan, dili ra ang mga estudyante, kondili ang mga Katoliko, Protestante, Sosyalista ug uban pa buot magpadayag sa ilang pagsupak.” Kining nagausbaw nga palibot sa pagprotesta ug ang butang ipatungha tingali niini iyang ginatawag “dako kaayong kapeligrohan sa demokrasya.”