Kapuli nga mga Inahan

Ang usa ka kaso sa tawhanong artipisyal nga pagtanom sa binhi (artificial insemination) nahitala dugay na kanhi sa 1799. Apan sa katuigang bag-o pa nga kini kaylap nga gipraktis. Sumala sa The New York Times, ang usa ka babaye nga sa artipisyal nga paagi gitamnan sa binhi sa lalaki ug manganak alang sa usa ka babaye, ingon nga kapuli niya, gitawag surrogate mother. Ang asawang dili manganak ug iyang bana nagauyon niining kahikayana, ug sa dihang manganak ang kapuli nga inahan ang bata sagopon sa magtiayon. Ang binhi sa lalaki sa maong kaso mahimong magagikan sa bana sa magtiayon o gikan sa laing tigdonar.

Bisan pag ang maong kahikayan tingali pagauyonan sa daghan sa kalibotan, ang Kristohanon angay mangutana kon kaha kini nahiuyon ba sa mga balaod sa Diyos. Ang Bibliya, sa Levitico 18:20, matin-aw bahin niini sa nagaingon kini: “Dili nimo ihatag ang imong inawas ingon nga binhi ngadto sa asawa sa imong kauban aron siya mahimong hugaw tungod niana.” Ang artipisyal nga pagtanom sa binhi diha sa usa ka babaye pinaagi sa tigdonar nga dili niya legal nga bana, makahimo kaniyang sad-an sa pagpanapaw, usa ka sala batok sa Diyos. (Deuteronomio 5:18) Ang tigdonar sa binhi ug ang kapuli nga inahan wala hiusaha pagtingob sa Diyos diha sa kaminyoon.—Mateo 19:4-6.