Oseas

12 “Ang Epraim nagakaon sa hangin+ ug nagagukod sa hangin nga timog sa tibuok adlaw.+ Ang pagpamakak ug ang pagpangagaw maoy iyang gipadaghan.+ Ug sila naghimog pakigsaad uban sa Asirya,+ ug nagdala ug lana ngadto sa Ehipto.

2 “Ug si Jehova may legal nga kaso batok sa Juda,+ makighusay mismo kang Jacob sumala sa iyang mga dalan;+ sumala sa iyang mga binuhatan siya magabalos kaniya.+ 3 Sulod sa tiyan iyang gihawiran sa tikod ang iyang igsoon,+ ug pinaagi sa iyang dinamikong kusog siya nakigtigi sa Diyos.+ 4 Ug siya nagpadayon sa pagpakigtigi sa manulonda ug sa kataposan nakadaog.+ Siya mihilak, aron sa pagpangamuyog pabor alang sa iyang kaugalingon.”+

Siya nakakaplag kaniya didto sa Bethel,+ ug didto Siya nakigsulti kanamo.+ 5 Ug si Jehova, ang Diyos sa mga panon,+ si Jehova mao ang iyang handomanan.+

6 “Ug bahin kanimo, kinahanglan kang mobalik sa imong Diyos,+ nga magabantay sa mahigugmaong-kalulot+ ug sa hustisya;+ ug magalaom sa imong Diyos sa kanunay.+ 7 Mahitungod sa magpapatigayon, sa iyang kamot anaa ang mga timbangan sa pagpanglimbong;+ siya nahigugma sa pagpanikas.+ 8 Ug ang Epraim nagsigeg ingon, ‘Sa pagkatinuod, ako dato na;+ ako nakakaplag ug bililhong mga butang alang sa akong kaugalingon.+ Kon mahitungod sa tanan nakong pagbudlay, sa akong bahin, wala silay makaplagang sayop nga maisip nga usa ka sala.’+

9 “Apan ako mao si Jehova nga imong Diyos sukad pa sa yuta sa Ehipto.+ Papuy-on ko pa ikaw sa mga tolda ingon sa mga adlaw sa usa ka tinudlong panahon. 10 Ug ako nakigsulti sa mga manalagna,+ ug gipadaghan ko ang mga panan-awon, ug pinaagi sa kamot sa mga manalagna ako nagpadayon sa paghimog mga panig-ingnan.+

11 “Sa Gilead diha ang matanghagaon,+ usab ang kabakakan.+ Sa Gilgal sila naghalad ug mga torong baka.+ Dugang pa, ang ilang mga halaran sama sa mga tapok sa mga bato diha sa mga tudling sa kaumahan.+ 12 Ug si Jacob milayas ngadto sa yuta sa Sirya,+ ug si Israel+ nagpadayon sa pag-alagad aron makapangasawa,+ ug aron makapangasawa nagbantay siya ug mga karnero.+ 13 Ug pinaagi sa usa ka manalagna gipagawas ni Jehova ang Israel gikan sa Ehipto,+ ug pinaagi sa usa ka manalagna siya gibantayan.+ 14 Ang Epraim naghagit sa mapait nga kasuko,+ ug ang iyang mga pag-ula sa dugo iyang gibilin diha sa iyang kaugalingon,+ ug ang iyang pagpakaulaw igabalos kaniya sa iyang Dakong Agalon.”+