Isaias
12 Ug nianang adlawa+ ikaw tino nga moingon: “Ako magpasalamat kanimo, Oh Jehova, kay bisan tuod ikaw nasuko pag-ayo kanako, ang imong kasuko inanay nga mitalikod,+ ug ikaw naghupay kanako.+ 2 Tan-awa! Ang Diyos mao ang akong kaluwasan.+ Ako mosalig ug dili kuyawan;+ kay si Jah Jehova mao ang akong kusog+ ug akong gahom,+ ug siya nahimong akong kaluwasan.”+
3 Uban sa kasadya kamo magkalos ug tubig gikan sa mga tubod sa kaluwasan.+ 4 Ug nianang adlawa kamo tinong moingon: “Pagpasalamat kamo kang Jehova!+ Tawga ang iyang ngalan.+ Ipahibalo taliwala sa mga katawhan ang iyang mga pakiglabot.+ Hisgoti nga ang iyang ngalan gibayaw.+ 5 Magaawit kamo ug mga pagdayeg kang Jehova,+ kay nakabuhat siya nga labaw gayod.+ Gipahibalo kini sa tibuok yuta.
6 “Singgit nga taliis ug singgit sa kalipay, Oh ikaw nga babayeng molupyo sa Zion, kay dako sa imong taliwala ang Balaang Usa sa Israel.”+