2 Cronicas

33 Napulog-duha ka tuig ang panuigon ni Manases+ sa dihang siya misugod sa paghari, ug sulod sa kalim-ag-lima ka tuig siya naghari sa Jerusalem.+

2 Ug iyang gibuhat ang daotan sa mga mata ni Jehova,+ sumala sa dulumtanang+ mga butang sa mga nasod nga giabog ni Jehova gikan sa atubangan sa mga anak sa Israel.+ 3 Busa iyang gitukod pag-usab ang hatag-as nga mga dapit+ nga gitumpag ni Ezequias nga iyang amahan,+ ug nagpatindog ug mga halaran+ alang sa mga Baal+ ug naghimo ug sagradong mga poste,+ ug siya nagyukbo+ sa tanang panon sa kalangitan+ ug nag-alagad kanila.+ 4 Ug siya nagtukod ug mga halaran+ sa balay ni Jehova, nga labot niini si Jehova nag-ingon: “Sa Jerusalem maanaa ang akong ngalan hangtod sa panahong walay tino.”+ 5 Ug siya nagtukod ug mga halaran alang sa tanang panon sa kalangitan+ didto sa duha ka sawang+ sa balay ni Jehova.+ 6 Ug iyang gipaagi ang iyang kaugalingong mga anak sa kalayo+ didto sa walog sa anak ni Hinnom,+ ug naggamit sa salamangka+ ug naggamit sa pagpanag-an+ ug naggamit sa pagpamarang+ ug naghimo sa mga espiritista+ ug mga tigpanag-an+ sa mga hitabo. Siya nagbuhat sa hilabihan kon unsay daotan sa mga mata ni Jehova, aron sa pagpasuko kaniya.+

7 Dugang pa, iyang gibutang ang linilok nga larawan+ nga iyang gihimo sa balay sa matuod nga Diyos,+ nga labot niana ang Diyos miingon kang David ug kang Solomon nga iyang anak: “Niining balaya ug sa Jerusalem, nga akong gipili+ gikan sa tanang tribo sa Israel, akong ibutang ang akong ngalan+ hangtod sa panahong walay tino.+ 8 Ug dili ko na kuhaon pag-usab ang tiil sa Israel gikan sa yuta nga akong gihatag+ sa ilang mga katigulangan,+ kon sila mag-amping lamang sa pagbuhat sa tanan nga akong gisugo kanila+ mahitungod sa tanang balaod+ ug sa mga regulasyon+ ug sa hudisyal nga mga hukom+ pinaagi sa kamot ni Moises.”+ 9 Ug si Manases+ nagpadayon pagdaldal sa Juda+ ug sa mga molupyo sa Jerusalem sa pagbuhat ug labi pa ka daotan+ kay sa kanasoran nga gilaglag ni Jehova gikan sa atubangan sa mga anak sa Israel.+

10 Ug si Jehova nagpadayon pagsulti kang Manases ug sa iyang katawhan, apan sila wala magtagad.+ 11 Sa kataposan gidala ni Jehova batok kanila+ ang mga pangulo sa kasundalohan nga iya sa hari sa Asirya,+ ug busa ilang gidakop si Manases diha sa mga gahong+ ug gigapos+ siya pinaagi sa duha ka talikalang tumbaga ug gidala siya ngadto sa Babilonya. 12 Ug sa diha gayod nga kini nagpahinabog kasakit kaniya,+ iyang gilukmay ang nawong ni Jehova nga iyang Diyos+ ug nagpadayon pagpaubos+ pag-ayo sa iyang kaugalingon tungod sa Diyos sa iyang mga katigulangan. 13 Ug siya nagpadayon pag-ampo Kaniya, mao nga Siya mitugot nga pangaliyupoan+ niya ug Iyang gidungog ang iyang hangyo alang sa pabor ug gipasig-uli siya sa Jerusalem sa iyang pagkahari;+ ug naila ni Manases nga si Jehova mao ang matuod nga Diyos.+

14 Ug human niini siya nagtukod ug usa ka paril sa gawas+ alang sa Siyudad ni David+ dapit sa kasadpan sa Gihon+ sa bul-oganang walog ug hangtod sa Ganghaan sa Isda,+ ug iyang gipadagan kini libot sa Opel+ ug gipatas-an kini pag-ayo. Dugang pa, siya nagbutang ug mga pangulo sa kasundalohan diha sa tanang kinutaang siyudad sa Juda.+ 15 Ug iyang gipanguha ang langyawng mga diyos+ ug ang larawang+ idolo gikan sa balay ni Jehova ug ang tanang halaran+ nga iyang gitukod didto sa bukid sa balay ni Jehova ug sa Jerusalem ug unya gipasalibay kini sila sa gawas sa siyudad. 16 Dugang pa, iyang giandam ang halaran ni Jehova+ ug naghalad sa ibabaw niana sa mga halad-sa-panag-ambit+ ug mga halad-sa-pagpasalamat+ ug gisugo ang Juda sa pag-alagad kang Jehova nga Diyos sa Israel.+ 17 Bisan pa niana, ang katawhan naghalad pa gihapon didto sa hatag-as nga mga dapit;+ hinuon alang kang Jehova nga ilang Diyos.

18 Kon bahin sa ubang mga kalihokan ni Manases ug sa iyang pag-ampo+ ngadto sa iyang Diyos ug sa mga pulong sa mga bisyonaryo+ nga nagpadayon sa pagsulti kaniya sa ngalan ni Jehova nga Diyos sa Israel, anaa kini lakip sa mga kalihokan sa mga hari sa Israel.+ 19 Kon bahin sa iyang pag-ampo+ ug kon sa unsang paagi ang iyang gipangaliyupo+ gihatag kaniya ug sa tanan niyang sala+ ug sa iyang pagkadili-matinumanon+ ug sa mga dapit nga diha niana siya nagtukod sa hatag-as nga mga dapit+ ug nagpatindog sa sagradong mga poste+ ug sa kinulit nga mga larawan+ sa wala pa siya magpaubos+ sa iyang kaugalingon, anaa kini nahisulat lakip sa mga pulong sa mga bisyonaryo. 20 Sa kataposan si Manases natulog uban sa iyang mga katigulangan,+ ug ilang gilubong+ siya didto sa iyang balay; ug si Amon+ nga iyang anak nga lalaki misugod sa paghari puli niya.

21 Kawhaag-duha ka tuig ang panuigon ni Amon+ sa dihang siya misugod sa paghari, ug sulod sa duha ka tuig siya naghari sa Jerusalem.+ 22 Ug siya nagbuhat kon unsay daotan sa mga mata ni Jehova,+ ingon sa gibuhat ni Manases nga iyang amahan;+ ug si Amon naghalad+ ngadto sa tanang kinulit nga larawan+ nga gihimo ni Manases+ nga iyang amahan, ug siya nagpadayon pag-alagad kanila.+ 23 Ug siya wala magpaubos+ sa iyang kaugalingon tungod kang Jehova sama sa pagpaubos ni Manases nga iyang amahan,+ kay kini si Amon maoy nagdugang sa pagkasad-an.+ 24 Sa kataposan ang iyang mga alagad nagkunsabo+ batok kaniya ug gipatay siya didto sa iyang kaugalingong balay.+ 25 Apan ang katawhan sa yuta nagpatay+ sa tanang nagkunsabo+ batok kang Haring Amon,+ ug unya ang katawhan+ sa yuta naghimo kang Josias+ nga iyang anak nga lalaki nga hari puli niya.