2 Cronicas
15 Karon kon bahin kang Azarias nga anak nga lalaki ni Oded,+ ang espiritu+ sa Diyos midangat kaniya. 2 Busa siya miadto sa atubangan ni Asa ug miingon kaniya: “Paminaw kanako, Oh Asa ug tibuok Juda ug Benjamin! Si Jehova magauban kaninyo basta kamo magauban kaniya;+ ug kon kamo mangita+ kaniya, itugot niya nga siya hikaplagan ninyo, apan kon inyo siyang biyaan siya mobiya kaninyo.+ 3 Ug daghang adlaw nga ang Israel+ walay matuod nga Diyos ug walay saserdote nga nagtudlo+ ug walay Balaod. 4 Apan sa ilang kasakit+ sila mibalik kang Jehova nga Diyos sa Israel+ ug nangita kaniya, unya iyang gitugot nga siya hikaplagan nila.+ 5 Ug niadtong mga panahona walay pakigdait sa usa nga mogula o sa usa nga mosulod,+ tungod kay dihay daghang kasamok taliwala sa tanang molupyo sa kayutaan.+ 6 Ug sila nangadugmok, nasod batok nasod+ ug siyudad batok siyudad, tungod kay ang Diyos nagpagubot kanila pinaagi sa tanang matang sa kasakit.+ 7 Ug kamo, magmaisogon+ ug ayaw ihuyhoy ang inyong mga kamot,+ tungod kay adunay ganti alang sa inyong kalihokan.”+
8 Ug sa pagkadungog gayod ni Asa niining mga pulonga ug sa panagna ni Oded+ nga manalagna, nagbaton siyag kaisog ug iyang gipahinabo nga ang dulumtanang mga butang+ mahanaw gikan sa tibuok kayutaan sa Juda ug Benjamin ug gikan sa mga siyudad nga iyang nailog gikan sa bukirong rehiyon sa Epraim,+ ug gibag-o ang halaran ni Jehova nga diha sa atubangan sa portiko ni Jehova.+ 9 Ug siya nagtigom sa tibuok Juda ug Benjamin+ ug sa langyawng mga pumoluyo+ nga uban nila gikan sa Epraim ug sa Manases ug sa Simeon, tungod kay daghan kaayo silang mitalikod dapig kaniya gikan sa Israel sa dihang ilang nakita nga si Jehova nga iyang Diyos nag-uban kaniya.+ 10 Busa sila natapok didto sa Jerusalem sa ikatulo ka bulan sa ikanapulog-lima ka tuig sa paghari ni Asa. 11 Unya sila naghalad kang Jehova nianang adlawa gikan sa mga inagaw sa gubat nga ilang gidala, pito ka gatos ka baka ug pito ka libong karnero. 12 Dugang pa, sila misulod sa usa ka pakigsaad+ sa pagpangita kang Jehova nga Diyos sa ilang mga katigulangan uban sa bug-os nilang kasingkasing ug uban sa bug-os nilang kalag;+ 13 nga si bisan kinsa nga dili mangita kang Jehova nga Diyos sa Israel pagapatyon,+ gamay man o dako,+ lalaki man o babaye.+ 14 Busa sila nanumpa+ kang Jehova uban sa makusog nga tingog ug uban sa malipayong pagsinggit ug sa mga trompeta ug sa mga budyong. 15 Ug ang tibuok Juda nagmaya+ tungod sa butang nga gipanumpa; kay uban sa bug-os nilang kasingkasing nga sila nanumpa ug uban sa bug-os nilang kahimuot nga sila nangita kaniya, mao nga iyang gitugotan nga siya makaplagan nila;+ ug si Jehova nagpadayon sa paghatag kanila ug pahulay sa tibuok palibot.+
16 Bisan gani si Maaca+ nga iyang apohang babaye, siya gitangtang ni Asa nga hari+ ingong mahal nga ginang,+ tungod kay siya naghimo ug usa ka makalilisang nga idolo alang sa sagradong poste;+ ug unya giputol ni Asa ang iyang makalilisang nga idolo+ ug gipulpog kini ug gisunog+ kini didto sa bul-oganang walog sa Kidron.+ 17 Ug ang hatag-as nga mga dapit+ wala mahanaw sa Israel.+ Apan ang kasingkasing ni Asa maoy bug-os sa tanan niyang mga adlaw.+ 18 Ug iyang gidala ang mga butang nga gibalaan sa iyang amahan ug ang mga butang+ nga gibalaan niya ngadto sa balay sa matuod nga Diyos, plata ug bulawan ug mga galamiton.+ 19 Kon bahin sa gubat, wala kini mahitabo hangtod sa ikakatloag-lima ka tuig sa paghari ni Asa.+