Nota

d 1 Samuel 17:37, 45-47: «Y David chqä xuʼij: ‹Jehová, ri xikolö pa ruqʼaʼ ri león chqä ri oso, ryä chqä xkikolö pa ruqʼaʼ le filisteo laʼ›. Rma riʼ, Saúl xuʼij che rä David: ‹Jät kʼa, y yë ta kʼa Jehová xtjeʼ awkʼë›». «David xuʼij kʼa che rä ri filisteo: ‹Rït yat petenäq rkʼë jun espada, jun lanza chqä rkʼë jun jabalina rchë naʼän chʼaʼoj wkʼë. Ye kʼa rïn yichʼeyon awkʼë pa rubʼiʼ Jehová, ri Dios ri ukʼwayon bʼey chkiwäch ri soldados rchë Israel, ri xapabʼaʼ awiʼ rït chwäch. Re qʼij reʼ, Jehová xkaruyaʼ pa nuqʼaʼ rïn, y rïn xkatinchʼäk chqä xtinwesaj ri ajolon; y re qʼij reʼ rïn xtinyaʼ kichʼakul jontir ri soldados filisteos chkë ri ajxikʼ taq chköp chqä chkë ri chköp rchë pa qʼayis; y ri winäq ri ye kʼo chwäch jontir le Ruwachʼulew xtkitamaj chë kʼo jun Dios pa Israel. Y jontir ri ye kʼo aweʼ xtkitamaj chë ma rkʼë ta espada o lanza nkolon wä Jehová, rma ri chʼaʼoj pa ruqʼaʼ Jehová kʼo wä, y ryä xkixruyaʼ jontir rïx pa qaqʼaʼ röj›».