¿Achkë ütz naʼän rchë kʼo ütz xtawïl chpan ri jnaʼ 2024? | ¿Achkë nuʼij le Biblia chrij riʼ?

Chpan ri jnaʼ 2024 kʼïy kʼayewal xtqïl, y ye kʼïy winäq nkiquʼ chë ma jun ta rsolik ri kʼayewal riʼ. Ye kʼa kʼo ütz nqayoʼej apü. ¿Akuchï xtqïl wä riʼ?

Le Biblia nukʼuqbʼaʼ qakʼuʼx

Le Biblia nuʼij chë Dios xtsöl ri kʼayewal ri nqanaʼ röj chë achiʼel ta majun chik rsolik. Chqä nuʼij chë xa jbʼaʼ chik apü Dios kʼo ütz xtuʼän pa kiwiʼ ri winäq: «Y ryä xtsuʼ ryiʼal ri rnaqʼ kiwäch, y ma xtjeʼ ta chik kamïk, bʼis, oqʼej nixta tyowen. Jontir riʼ ma xkejeʼ ta chik» (Apocalipsis 21:4).

We nawajoʼ natamaj más chrij ri nutzüj le Biblia, tatzʼetaʼ ri artículo “La esperanza real de un mañana mejor”.

Achkë rbʼanik yaturtoʼ le Biblia komä

Ri nutzüj le Biblia yaturtoʼ rchë nawesaj äl pan ajolon ri chʼobʼonïk ri xa yaturtzʼlaʼ chqä chë más kiʼ akʼuʼx xtaʼän (Romanos 15:13). Chqä le Biblia xkaturtoʼ chkiwäch ri kʼayewal ri kʼo komä, achiʼel ri majun ta arajil, ri ma pa rbʼeyal ta nbʼan awkʼë chqä xkaturtoʼ chwäch jun yabʼil.

Tatzʼetaʼ achkë rbʼanik le Biblia xtoʼ jun achï rchë más kiʼ rkʼuʼx xuʼän chqä rchë ma xchʼpü ta chik más rkʼuʼx tapeʼ kʼo chpan jun familia ri ma kan ta achkë kʼo kikʼë. Tatzʼetaʼ ri video Juan Pablo Zermeño: Jehová le dio propósito a mi vida.
Tatzʼetaʼ achkë rbʼanik le Biblia yaturtoʼ taq nkäm jun awachʼalal y nanaʼ rït chë yït aj mak rma xbʼanatäj riʼ chqä chwäch ri bʼis. Tatzʼetaʼ ri artículo “¿Puedo encontrar consuelo en la Biblia?”.
Tatzʼetaʼ achkë rbʼanik le Biblia xtoʼ jun ixöq ri kʼïy tiempo bʼenäq pa chʼaʼoj, chqä ri xuʼij qa chrij ryä chë ma kiʼ ta chik rkʼuʼx chqä chë xuʼän kuw ran. Tatzʼetaʼ ri video “Cambié las armas por la Biblia”.

¿Nawajoʼ chë chpan ri jnaʼ 2024 jontir ütz xttel chiwäch rkʼë afamilia? Le Biblia yaturtoʼ rchë ke riʼ xtuʼän. Tatjoj awiʼ qkʼë chrij le Biblia, ri tjonïk nqayaʼ ma tojon ta. We xtaʼän riʼ Dios xtuʼän chë ma xtchʼpü ta chik akʼuʼx chqä kʼo ütz xtayoʼej apü (Jeremías 29:11).