Ri chʼaʼoj chqä ri kowan kʼatän o tiw nuʼän najin nkiʼän chë kʼo más wayjal | ¿Achkë nuʼij le Biblia chrij riʼ?

Ri chʼaʼoj najin nbʼanatäj Ucrania chqä ri kʼatän o tiw najin nuʼän, najin nkiʼän chë majun ta chik más rukïl wäy chwäch le Ruwachʼlew. Ya reʼ najin nbʼanatäj más chkipan tinamït ri ma kan ta kʼïy kibʼeyomal, ri akuchï ye kʼïy winäq ma nkïl ta ri nkʼatzin chkë rchë nkitäj.

«Ri rukïl wäy ma kʼïy ta chik najin ntel chqä ma kʼïy ta chik kʼo kimä ri chʼaʼoj, rma kowan kʼatän o tiw najin nuʼän, rma kowan jotäl rajäl ri achoq rkʼë nbʼan wä chqä nkʼaj chik rma» (António Guterres, secretario general de las Naciones Unidas, 17 de julio, 2023).
«Ri winäq ri yenukʼun rij reʼ nkiʼij chë rma Rusia ma xkerutäq ta chik rukïl wäy chkipan nkʼaj chik tinamït, ya riʼ xtuʼän chë ye kʼïy winäq ma xtkïl ta chik ri nkʼatzin chkë rchë nkitäj chqä xtuʼän chë chkipan ri tinamït ri ma kan ta kʼïy kibʼeyomal, achiʼel pa norte chë África chqä Oriente Medio, más xtjoteʼ rajäl jontir» (Atalayar.com, 23 de julio, 2023).

Tatzʼetaʼ achkë nuʼij le Biblia chrij ri wayjal chqä chrij ri achkë xtbʼanatäj chqawäch apü.

Le Biblia rubʼin chik chë xtkʼis rukïl wäy

Y xa bʼa akuchï xtjeʼ wayjal» (Mateo 24:7).
Ri bʼenäq chrij jun chkë ri kej riʼ nukʼambʼej tzij ri chʼaʼoj; chrij riʼ, bʼenäq chik jun ri nukʼambʼej tzij ri wayjal. Ri profecía nuʼij chë xtjeʼ jun tiempo ri akuchï ma kan ta kʼïy chik wäy xtjeʼ chqä kowan xtjoteʼ kajäl. Chriʼ nuʼij: «Xbʼekʼlun pä jun qʼäq rij kej ch’okolbʼen rma jun ri rukʼwan jun etabʼäl pa ruqʼaʼ. Y [...] kʼo jun ri nchʼö pä y nuʼij: ‹Xa xuʼ kaʼiʼ libra trigo chwäch ri rajäl jun qʼij samaj. Xa xuʼ waqiʼ libra cebada chwäch ri rajäl jun qʼij samaj›» (Apocalipsis 6:5, 6, La Biblia en Kakchiquel Central).

Re profecías reʼ, ri yetzjon chrij ri wayjal, najin chik yebʼetzʼaqät komä, jun tiempo ri nbʼix ri «rukʼisbʼäl taq qʼij» che rä chpan le Biblia (2 Timoteo 3:1). We nawajoʼ natamaj más chkij ri «rukʼisbʼäl taq qʼij» chqä chrij ri achkë kʼayewal kikʼamon pä ri nkʼaj chik kej ri yetzjöx chpan Apocalipsis, tatzʼetaʼ ri video Pa 1914 xjalatäj jontir chwäch le Ruwachʼulew y taskʼij ruwäch ri artículo «¿Qué representan los jinetes del Apocalipsis?».

¿Achkë rubʼanik nqrtoʼ le Biblia?

Rït ütz yeʼatzʼët jojun chkë ri naʼoj riʼ chpan ri artículo «Cómo vivir con menos».
Chriʼ nuʼij chë xa jbʼaʼ chik apü, «chwäch le Ruwachʼlew kan pa rukʼiyal ruwäch tkoʼn xtjeʼ» y majun ta chik jun xtqʼaxan wayjal (Salmo 72:16). Rchë natamaj más chrij reʼ chqä rchë natzʼët achkë rma kan ütz nakʼuqbʼaʼ akʼuʼx chë xtbʼanatäj, taskʼij ruwäch ri artículo «La esperanza real de un mañana mejor».