Tqabʼanaʼ che rä chë achiʼel ta kan najin nbʼanatäj ri najin nqaskʼij

Chpan le Biblia kʼo kʼïy relatos ri kʼo kʼïy naʼoj nkikʼüt qa chqawäch. Jun ri xtqtoʼö rchë yeqʼax más ri relatos riʼ chqawäch chqä rchë kʼo más naʼoj nqatamaj qa chkij, ya riʼ nqaʼän chë achiʼel ta kan najin nbʼanatäj ri najin nqaskʼij. Tqatzʼetaʼ jojun naʼoj ri xkojkitoʼ rchë xtqkowin xtqaʼän riʼ.

• Kan nüm tqabʼanaʼ che rä qachʼaʼäl taq nqaʼän leer. Si xtqaʼän riʼ, kan achiʼel ta xtqkowin xtqatzʼët ri najin yebʼanatäj pa jun relato. Si najin nqaskʼij jun relato rkʼë qafamilia, más jaʼäl xtuʼän si nqatzʼët jaruʼ winäq yetzjon chpan y chrij riʼ nqajäch chqawäch.

• Tqaquʼ rij ri najin nbʼanatäj. Tqatjaʼ qaqʼij rchë nqʼax chqawäch achkë xkiquʼ chqä achkë xkinaʼ ri winäq ri najin yetzjöx. Tqaquʼ rij ya reʼ: «¿Achkë rma re winäq reʼ xuʼij ya riʼ o achkë rma ke riʼ xuʼän? ¿Achkë ta komä xinquʼ rïn xa ta yïn kʼo pa rkʼexel ryä? ¿Achkë ta komä xinnaʼ?».

• Tqabʼanaʼ dibujos. Tapeʼ ma kan ta nqkowin más nqaʼän dibujar, ri nqaʼän dibujos nqrtoʼ rchë nqaquʼ rij ri najin nqaskʼij chqä rchë ma nmestäj ta chqë.