LE BIBLIA XJÄL KIKʼASLEMAL

Ryeʼ kilon «jun perla ri janina ruqʼij»

Jesús xkʼüt chë Rqʼatbʼäl Tzij Dios xtsöl jontir ri kʼayewal kʼo chkij ri winäq (Mateo 6:10). Chpan Mateo 13:44-46, xuʼij kaʼiʼ kʼambʼäl tzij rchë xkʼüt chë Rqʼatbʼäl Tzij Dios kan kowan rqʼij:

Achbʼäl ri akuchï ye kʼo ri kaʼiʼ achiʼaʼ ri xertzjoj Jesús. 1. Jun achï najin nukʼöt jun jül chpan jun jyuʼ y kan ntel rkʼuʼx taq nutzʼët ri xrïl. 2. Jun chik achï rkʼwan jun perla y kan tzeʼël ntzuʼun.

Jun achï ri najin nsamaj pa jyuʼ chaq kʼateʼ nrïl jun bʼeyomäl ri ewan qa.
Jun kʼayinel ri yerkanuj perlas ri kan jotäl kajäl nrïl jun perla ri kowan rqʼij.

Re kaʼiʼ achiʼaʼ reʼ ma xkikʼewaj ta xkikʼayij jontir ri kʼo kikʼë xa xuʼ rchë xekanaj qa rkʼë ri bʼeyomäl xkïl. Ye kʼo winäq ri ye achiʼel ri achiʼaʼ ri xertzjoj Jesús: ryeʼ kan kowan nkiloqʼoqʼej Rqʼatbʼäl Tzij Dios, rma riʼ kan kʼïy achkë nkiyaʼ qa xa xuʼ rchë nkïl ri utzil ri nuyaʼ ri Qʼatbʼäl Tzij riʼ (Lucas 18:29, 30). Chpan re video reʼ, xtatzʼët chë kaʼiʼ winäq xkiʼän ri xkiʼän ri kaʼiʼ achiʼaʼ ri xertzjoj qa Jesús.