¿Yenatäj reʼ chawä?

¿Askʼin rït ri wuj Ri Chajinel ri ye lenäq re jnaʼ reʼ? Tatzʼetaʼ we yakowin nayaʼ kirespuestas re preguntas reʼ:

¿Achkë rma nqayaʼ rqʼij Jehová?

Röj nqayaʼ rqʼij Jehová rma kan kʼo rqʼij chqawäch chqä rma kan rkʼë ronojel qan nqajoʼ. Chqä nqaʼän riʼ rma nqajoʼ chë ri winäq nkitamaj rwäch (w25.01, rxaq 3).

Si kʼo jun qachʼalal nqrsök, ¿achkë xtqtoʼö rchë xtqaküy rmak?

Röj ma nqaʼän ta chë achiʼel ta ma xtiʼon ta chqë ri xbʼan chqë; ye kʼa si nqamestaj ri xbʼan chqë chqä ma nqakʼöl ta qa pa qan, ya riʼ xtqrtoʼ rchë ma chaq xuʼ ta qayowal xtqaʼän (w25.02, rxaq 15 y 16).

¿Achkë rma Marcos kan jun ütz ejemplo chkiwäch ri qachʼalal kʼojolaʼ?

Marcos ma xkʼewaj ta xertoʼ nkʼaj chik. Tapeʼ rkʼë jbʼaʼ poqän xnaʼ ran chqä xbʼison rma ri xbʼanatäj rkʼë, ryä ma xyaʼ ta qa riʼ pa bʼis. Marcos xtäj rqʼij rchë xkʼwaj riʼ rkʼë Pablo chqä kikʼë nkʼaj chik cristianos ri kikʼuqbʼan kikʼuʼx chrij Jehová (w25.04, rxaq 27).

¿Achkë xrajoʼ xuʼij Jesús taq xuʼij che rä Jehová «nkʼutun abʼiʼ chkiwäch»? (Juan 17:26).

Rtzeqelbʼëy Jesús kitaman wä chik chë rbʼiʼ Dios ya riʼ Jehová. Ri xrajoʼ xuʼij Jesús ya riʼ chë xkʼüt chkiwäch achkë riʼ Jehová, achkë rchʼobʼon nuʼän, achkë yeruʼän y achkë naʼoj ye kʼo rkʼë (w25.05, rxaq 20 y 21).

Si röj nqaqasaj qiʼ, ¿achkë xtqʼax chqawäch?

Xtqʼax chqawäch chë ma jontir ta qataman. Jun ejemplo, ma qataman ta ajän xtchup rwäch jontir ri itzelal nixta achkë xtuʼän Jehová rchë xtqrtoʼ pä. Chqä ma qataman ta achkë xtbʼanatäj chwaʼq kabʼij nixta nqʼax chqawäch jaruʼ rtaman qawäch Jehová (w25.06, rxaq 15 kʼa 18).

¿Achkë xtqtoʼö rchë kʼo más naʼoj xtqatamaj qa chpan jun artículo o chpan jun tzijonem?

Ütz nqaquʼ rij ya reʼ: «¿Achkë pruebas najin yeksäx rchë ri winäq nkinmaj ri najin nkʼut chkiwäch? ¿Najin nksäx jun ejemplo ri xtkʼatzin chqä chwä rïn rchë nkʼüt re naʼoj reʼ? ¿Achkë winäq rkʼë jbʼaʼ xtqä chwäch xtkʼoxaj ya reʼ?» (w25.07, rxaq 19).

Rkʼë ri xuʼän Dios rkʼë David, ¿achkë nqatamaj qa chrij rbʼanik nkyun ryä?

Tapeʼ David kʼo nmaʼq taq mak xeruʼän, ryä kan rkʼë ronojel ran xtzolij riʼ, rma riʼ Jehová xküy rmak (1 Rey. 9:4, 5). Taq Dios nqrküy, ryä numestaj qamak chqä ma nuyaʼ ta qa pa rjolon rchë nuyaʼ kʼayewal pa qawiʼ rma ri xqaʼän (w25.08, rxaq 17).

Si jun qestudiante kwest nuʼän chwäch nqʼax jun naʼoj chwäch o ma kan ta nunmaj, ¿achkë ütz nqaʼän?

Si xqaksaj yän le Biblia rchë xqakʼüt ri naʼoj riʼ chwäch y kʼa kwest na nqʼax chwäch, qqʼax chpan ri nkʼaj chik peraj y chrij riʼ tqatzʼetaʼ chik jmul ri naʼoj ri ma xqʼax ta chwäch (w25.09, rxaq 24).

¿Achoq chrij najin ntzjon wä le Biblia taq ntzjon chrij «ri mak, ri kan yaturqʼöl»? (Heb. 3:13).

Najin ntzjon chrij ri mak kʼo qa chqij ri nuʼän chqë chë kʼo ma ütz ta yeqaʼän chqä chaq taqïl nuʼän chqë chë nqaquʼ chë Jehová ma nqrajoʼ ta (w25.10, rxaq 16).

¿Achkë xtqtoʼö rchë kan pa qan xttel wä pä ri xtqaʼij che rä Jehová?

1) Nqaquʼ rij ri jaʼäl taq naʼoj ye kʼo rkʼë Jehová. 2) Nqaquʼ rij jun kʼayewal najin nqaqʼaxaj y nqaʼij che rä Jehová taq nqchʼö rkʼë. Jun chkë riʼ ya riʼ taq ma qakyun ta na jun qachʼalal. 3) Taq nqchʼö rkʼë Jehová, ma chanin ta tqabʼanaʼ che rä, rchë ke riʼ kan xtqaʼij che rä jontir ri achkë nqanaʼ (w25.10, rxaq 19 y 20).

¿Achkë ütz nqaʼän rchë yeqatoʼ ri ya kʼo chik kijnaʼ?

Ütz yeqachʼaʼej chqä yeqaskʼij. Rkʼë jbʼaʼ ütz chqä nqbʼä kikʼë taq yebʼä rkʼë doctor o jnan nqatzjoj le Biblia kikʼë (w25.11, rxaq 6 y 7).

¿Achkë ütz nkiʼän qachʼalal ri kiyaʼon chik chkiwäch yekʼleʼ rchë nkiyaʼ rqʼij Jehová pa kikʼlanen?

Nkʼatzin nkiʼän ri nuʼij ri leyes y nkikanuj rbʼanik rchë nkikʼüt pa kikʼlanen ri naʼoj ri ye petenäq rkʼë ri loqʼoläj rchqʼaʼ Dios. Chqä nkʼatzin chë ma nqʼax ta rwiʼ rbʼanik nkiwäq kiʼ, ma yekiʼän ta costumbres ri ma kikʼwan ta kiʼ rkʼë ri nuʼij le Biblia chqä ma nkiqasaj ta kiqʼij chkiwäch taq nkiʼän apü rbʼanik jontir ri xtkʼatzin chkë rchë xkekʼleʼ (w25.12, rxaq 21 kʼa 24).