Naʼoj ri xkatkitoʼ rchë xtaskʼij aBiblia ronojel qʼij

Rma kan kʼïy achkë naʼän pa jun qʼij, ¿kwest nuʼän chawäch naskʼij aBiblia ronojel qʼij? (Jos. 1:8). We ke riʼ, ¿ütz nuʼän chawäch nasmajij jun chkë re naʼoj reʼ?

• Tayaʼ jun arecordatorio rchë ronojel qʼij. Tayaʼ jun alarma pan ateléfono rchë nunataj chawä chë nkʼatzin naskʼij rwäch aBiblia.

• Tayaʼ aBiblia akuchï natzʼët apü. Si rït rkʼulun chawä naskʼij rwäch aBiblia chwäch wuj, tayaʼ qa akuchï yakowin natzʼët apü ronojel qʼij (Deut. 11:18).

• Takʼoxaj le Biblia pa audio. Taq najin naʼän ri nkʼatzin naʼän ronojel qʼij, takʼoxaj ri audios. Ya Tara, jun teʼej y precursora chqä nsamäj chaqʼaʼ, nuʼij: «Rma nkʼoxaj le Biblia pa audio taq najin nbʼän nsamaj pa wachoch, yirtoʼon rchë ma nyaʼon ta qa rskʼixik rwäch le Biblia».

• Ma tayaʼ ta qʼij chë nqʼax jun qʼij ri ma naskʼij ta rwäch aBiblia. Si kʼo jun nbʼanatäj y ma yakowin ta naskʼij aBiblia achiʼel achʼobʼon chik, tatjaʼ aqʼij rchë naskʼij tapeʼ xa xuʼ jojun versículos taq ya yatewär. Más ütz naskʼij jojun textos chwäch kan majun ta naskʼij. We xtaʼän riʼ, tatzʼetaʼ na peʼ chë kan kʼo utzil xtawïl (1 Ped. 2:2).