23 KʼA 29 DE MARZO

ISAÍAS 48 Y 49

Bʼix 89 chqä oración | Naʼäy taq tzij (1 min.)

RI BʼEYOMÄL YEQÏL CHPAN LE BIBLIA

1. Si nqanmaj rtzij Jehová, kan ütz xtqbʼä pa qakʼaslemal

(10 mins.)

Jehová yertjoj ri nkiyaʼ rqʼij (Is 48:17; it-S «Maestro, enseñanza» peraj 2).

Kʼo chë nqachaʼ nqanmaj rtzij Jehová (Is 48:18a; ijwbq-S artículo 44 peraj 2, 3).

Ri nqanaʼ taq ma nchʼpü ta qakʼuʼx xtuʼän «kan achiʼel jun raqän yaʼ», y jontir ri ütz yeqaʼän xtuʼän «kan achiʼel ta rwiʼ mar» (Is 48:18b; lv-S 199 peraj 8).

Taq nqä qa Qʼij, jun qachʼalal ixöq najin nbʼiyaj chuchiʼ mar.

RI NTEL CHË TZIJ: Ri tzij hebreo ri xbʼan traducir «ri nanaʼ taq ma nchʼpü ta akʼuʼx», rkʼë jbʼaʼ ntel chqä chë tzij ri nqanaʼ taq majun ta qayabʼil o taq ma nxiʼij ta qij. Chqä rkʼwan riʼ rkʼë taq ütz bʼenäq jontir chqawäch, ütz qakʼwan qiʼ kikʼë qamigos o kiʼ qakʼuʼx pa qakʼaslemal.

2. Keqakanuj bʼeyomäl chpan le Biblia

(10 mins.)

Is 49:8. ¿Achkë oxiʼ rbʼanik ntzʼaqät re profecía reʼ? (it-S «Tiempo acepto» peraj 1-3).

Rqʼalajsaxik
¿Achkë naʼoj xatamaj qa chpan rskʼixik le Biblia rchë re semana reʼ?

Rqʼalajsaxik

3. Rskʼixik rwäch wuj

(4 mins.) w18.03 11 peraj 14, 15 (th naʼoj 11).

KAN PA RBʼEYAL KEQATJOJ RI WINÄQ

4. Tachapaʼ tzij

(3 mins.) XA BʼA AKUCHÏ YÏT KʼO WÄ. Tabʼanaʼ invitar jun awachʼalal ri kanajnäq qa rchë napon qkʼë rchë nukʼoxaj ri tzijonem rchë re jnaʼ reʼ chqä rchë nqanataj rkamik Jesús (lmd naʼoj 5 peraj 3).

5. Katzolin

(4 mins.) XA BʼA AKUCHÏ YÏT KʼO WÄ. Ri winäq nrajoʼ napon qkʼë rchë nqanataj rkamik Jesús. Takʼutuʼ chwäch achkë rbʼanik xtbʼan che rä ri moloj riʼ (lmd naʼoj 9 peraj 3).

6. Katzolin

(5 mins.) XA BʼA AKUCHÏ YÏT KʼO WÄ. Taq xkʼis yän ri moloj rchë nqanataj rkamik Jesús, taqʼalajsaj rpreguntas jun winäq ri xapon qkʼë (lmd naʼoj 8 peraj 3).

RI QAKʼASLEMAL RÖJ RI CRISTIANOS

Bʼix 107

7. Tabʼanaʼ jontir ri kʼo pan aqʼaʼ rchë kʼo utzil xtawïl ri qʼij ri kʼo más rqʼij chpan ri jnaʼ

(15 mins.) Re peraj reʼ xtbʼan kikʼë kʼutunïk.

Ronojel jnaʼ taq nqanataj rkamik Jesús, nqakʼüt chë nqanmaj rtzij Jesús chqä nqatyoxij che rä Jehová rma xyaʼ Rkʼajol pa kamïk rchë xqrköl (Lu 22:19). Chqä, ri qʼij riʼ nqanataj chë Jehová chqä Rkʼajol kowan yojkajoʼ (Gál 2:20; 1Jn 4:9, 10). ¿Achkë ütz nqaʼän rchë kʼo utzil xtqïl taq xtqanataj rkamik Jesús chqä rchë xtqakʼüt chwäch Jehová chë nqtyoxin che rä? ¿Achkë ütz nqaʼän rchë qaʼinvitados xtkïl chqä utzil ri qʼij riʼ chqä xketyoxin che rä Jehová?

Ronojel qʼij taskʼij ri textos ri kikʼwan kiʼ rkʼë rkamik Jesús chqä taquʼ rij ri xtaskʼij.
Taquʼ rij rkʼaslemal xyaʼ Jesús pa kamïk y taquʼ achkë rbʼanik nakʼüt pan akʼaslemal chë natyoxij ri spanïk riʼ.
Tabʼanaʼ jontir ri kʼo pan aqʼaʼ rchë yeʼaʼän invitar ri winäq ri ataman kiwäch, ri awachʼalal chqä ri winäq ri ye kʼo pan aterritorio rchë yeʼapon qkʼë taq xtyaʼöx ri tzijonem rchë re jnaʼ reʼ chqä taq xtqanataj rkamik Jesús.
Kan jaʼäl rbʼanik keʼakʼuluʼ ri winäq ri xkeʼapon qkʼë taq xtqanataj rkamik Jesús. Tapeʼ xtkʼatzin xkeʼatzʼët ri winäq ri xaʼän invitar, tatzʼetaʼ chqä si kʼo chik nkʼaj winäq xkeʼapon, rchë ke riʼ xkeʼatoʼ chqä xtaʼij chkë chë ütz yetzʼyeʼ awkʼë.
Si ri winäq ri xkeʼapon kʼo jun kipregunta, taʼij chkë chë nawajoʼ naqʼalajsaj chkiwäch.
Tatzʼetaʼ si xkeʼapon qachʼalal ri ye kanajnäq qa, rchë ke riʼ xkeʼachʼaʼej. Ri ukʼwäy taq bʼey xtkitzʼët si xkeʼapon winäq ri xeʼok testigos de Jehová ojer, rchë ke riʼ xkekikʼül apü.

Jun achbʼäl rchë ri video «Jesús xpë rchë nbʼerkanuj ri winäq ri sachnäq chqä rchë nbʼerkoloʼ». Pa jun Salón del Reino, taq ya nchapatäj ri moloj rchë nnatäx rkamik Jesús, jojun qachʼalal kan kiʼ kikʼuʼx najin yetzjon.

Takʼutuʼ ri VIDEO Jesús xpë rchë nbʼerkanuj ri winäq ri sachnäq chqä rchë nbʼerkoloʼ. Chrij riʼ takʼutuj ya reʼ:

Taq xtqanataj rkamik Jesús, ¿achkë rma kan kowan nkʼatzin chë ütz qanaʼoj nqaʼän kikʼë qachʼalal ri ye kanajnäq qa chqä kan kiʼ qakʼuʼx yeqakʼül apü?

Rqʼalajsaxik

8. Tjonïk chrij le Biblia pa congregación

(30 mins.) lfb naʼoj 72 chqä 73.