1 KʼA 7 DE ABRIL
SALMOS 23 KʼA 25
Bʼix 4 chqä chʼonïk | Naʼäy taq tzij (1 min.)
1. «Jehová ya riʼ nyuqʼun wchë»
(10 mins.)
Jehová nukʼwaj qabʼey (Sl 23:1-3; w11-S 1/5 31 peraj 3).
Jehová nqrchajij (Sl 23:4; w11-S 1/5 31 peraj 4).
Jehová nuyaʼ ri nkʼatzin chqë (Sl 23:5; w11-S 1/5 31 peraj 5).
Jun ütz ajyuqʼ yeruchajij rukarneʼl. Ke riʼ chqä Jehová, ryä yeruchajij rusamajelaʼ.
TQAQUʼ RIJ REʼ: «¿Achkë rubʼanik yiruchajij Jehová?».
2. Keqakanuj bʼeyomäl chpan le Biblia
(10 mins.)
Sl 23:3. ¿Achkë riʼ ri «bʼey» ri nqrtoʼ rchë nqakʼwaj «jun jïk kʼaslemal», y achkë xtqtoʼö rchë ma xtq·el ta qa chpan? (w11-S 15/2 24 peraj 1-3).
¿Achkë naʼoj xatamaj qa chpan ruskʼixik le Biblia rchë re semana reʼ?
3. Ruskʼixik ruwäch wuj
(4 mins.) w18.01 21 peraj 17-19 (th naʼoj 5).
4. Tachapaʼ tzij
(3 mins.) XA BʼA AKUCHÏ YÏT KʼO WÄ. Taskʼij jun texto chwäch jun winäq ri kowan najin nuquʼ achkë rubʼanik najin ntzʼil·öx le Ruwachʼlew (lmd naʼoj 2 peraj 5).
5. Katzolin
(4 mins.) CHUCHIʼ TAQ JAY. Takʼutuʼ chwäch jun winäq ri xkʼän qa ri folleto Nawajoʼ rït yakʼaseʼ achkë rubʼanik yeqatjoj ri winäq chrij le Biblia (lmd naʼoj 9 peraj 3).
6. Keʼatjoj chrij le Biblia
(5 mins.) lff tjonïk 14 peraj 4 (lmd naʼoj 11 peraj 3).
Bʼix 54
7. Ma nqanmaj ta kitzij ri ma qataman ta kiwäch
(15 mins.) Re peraj reʼ xtbʼan kikʼë kʼutunïk.
Ri karneʼl nkinmaj rutzij ri nyuqʼun kichë taq nkikʼoxaj ruchʼaʼäl. Ye kʼa taq nkikʼoxaj ruchʼaʼäl jun winäq ri ma kitaman ta ruwäch, ryeʼ yeʼanmäj äl chwäch (Jn 10:5). Ke riʼ chqä röj, nqanmaj rutzij Jehová chqä Jesús. Ryeʼ, ri achiʼel ta yeyuqʼun qchë, yojkichajij chqä yojkajoʼ, y röj ütz nqakʼuqbʼaʼ qakʼuʼx chkij (Sl 23:1; Jn 10:11). Ye kʼa röj ma nqanmaj ta kitzij ri winäq ri nkajoʼ yojkiqʼöl kikʼë tzʼukün taq tzij xa xuʼ rchë ma nqakʼuqbʼaʼ ta chik qakʼuʼx chrij Jehová (2Pe 2:1, 3).
Ri capítulo 3 rchë Génesis nutzjoj achkë xbʼanatäj ri naʼäy mul ri xkʼaxatäj jun chʼaʼäl chwäch le Ruwachʼlew ri majun ta jun tamayon rchë. Ya riʼ xbʼanatäj taq Satanás xksaj jun kumätz rchë xtzjon rkʼë Eva. Ryä xjäl rutzij Jehová chqä xqʼabʼaj tzij chrij chë kʼo najin nrewaj chkiwäch. Eva xnmaj rutzij Satanás. Rma riʼ ryä chqä rufamilia xekïl kʼayewal rma ri xkichaʼ xkiʼän.
Pa qaqʼij komä, Satanás nrajoʼ chë röj ma nqakʼuqbʼaʼ ta chik qakʼuʼx chrij Jehová chqä chrij rutinamit. Rchë nuʼän riʼ, ryä yeruksaj ri noticias ri itzel yetzjon chrij rutinamit Jehová chqä nutzʼük tzij chrij. ¿Achkë nkʼatzin nqaʼän röj we nqakʼoxaj chë ye kʼo jojun winäq najin yetzjon itzel chrij Jehová? ¡Nkʼatzin achiʼel ta nqanmäj äl chkiwäch! We röj nqayaʼ qaxkïn chkë ri winäq riʼ, tapeʼ xa jbʼaʼ, xa kʼayewal xtqakanuj qa chqij. ¿Jaruʼ tzij xeruksaj Satanás rchë xqʼöl Eva? Ryä ma kan ta jaruʼ tzij xeruksaj (Gé 3:1, 4, 5). Rma riʼ, ¿achkë ütz nqaʼän we kan jun winäq ri qataman ruwäch, nqrajoʼ chqä nrajoʼ ri más ütz pa qawiʼ ya riʼ ntzjon chqë chrij ri nkiʼij ri winäq chrij rutinamit Jehová?
Takʼutuʼ ri VIDEO Ma tqanmaj ta kitzij ri ma qataman ta kiwäch. Chrij riʼ tabʼanaʼ re kʼutunïk reʼ:
¿Achkë nqatamaj qa chrij ri xuʼän ya Rubí taq ruteʼ, ri ma Testigo ta, xrajoʼ xkʼüt chwäch achkë nkiʼij ri winäq chrij rutinamit Jehová?
8. Tjonïk chrij le Biblia pa congregación
(30 mins.) bt cap. 8 peraj 1-4 y ri recuadros ri ye kʼo chpan ruxaq 61, 62.