RI QAKʼASLEMAL RÖJ RI CRISTIANOS
Kan kʼïy samaj nkiʼän rchë nkiyaʼ qatoʼik
Rma kowan yojkajoʼ, ri ukʼwäy taq bʼey rchë circuito chqä ri kixjayil kan kʼïy samaj nkiʼän rchë yojkitoʼ. Ye kʼa ryeʼ chqä kʼo achkë nkʼatzin chkë. Kʼo mul yekos, yebʼison o nchʼpü kikʼuʼx (yemayon) (Snt 5:17). Tapeʼ ke riʼ, ronojel semanas nkikʼuqbʼaʼ kikʼuʼx ri qachʼalal ri yekibʼechʼaʼej. Rma riʼ, ¡röj kan kowan nqaloqʼoqʼej ri samaj nkiʼän ri ukʼwäy taq bʼey rchë circuito! (1Ti 5:17).
Taq ri apóstol Pablo xquʼ nbʼeruchʼaʼej ri congregación ri kʼo Roma rchë nuyaʼ jun naʼoj chkë «ri petenäq rkʼë Dios», ri xrajoʼ ryä ya riʼ nukʼuqbʼaʼ kikʼuʼx ri cristianos chqä nkʼuqbʼäx rukʼuʼx ryä (Ro 1:11, 12). ¿Kʼo komä jmul aquʼun rït nakʼuqbʼaʼ rukʼuʼx ri ukʼwäy bʼey rchë circuito o rixjayil?
TAQ XATZʼËT YÄN RI VIDEO RI RUKʼASLEMAL JUN UKʼWÄY BʼEY RI NBʼECHʼAʼEN KICHË RI CONGREGACIONES, KEʼAQʼALAJSAJ RE KʼUTUNÏK REʼ:
Rma nkajoʼ ri congregación, ¿achkë nkʼatzin nkiʼän ri ukʼwäy taq bʼey rchë circuito chqä ri kixjayil?
¿Achkë rubʼanik yatkitoʼon rït?
¿Achkë ütz nqaʼän rchë nqakʼuqbʼaʼ kikʼuʼx?