Jehová kowan nuloqʼoqʼej taq nqchʼö rkʼë

Jehová kan achiʼel pon ri xporöx pa templo ri kan kowan jubʼül ruxlaʼ nutzʼët taq ri rusamajelaʼ yechʼö qʼanäj rkʼë (Sl 141:2). ¿Achkë rma? Taquʼ rij reʼ. Taq nqchʼö rkʼë Qatataʼ kʼo chkaj, röj nqtyoxin che rä chqä nqaʼij che rä chë kowan nqajoʼ; nqatzjoj che rä achkë rma nchʼpü qakʼuʼx, nqaʼij che rä ri nurayij qan chqä nqakʼutuj qatoʼik che rä. Jehová kan nqä chwäch chë röj nqaʼän jontir riʼ rma nukʼüt chwäch chë nqaloqʼoqʼej chë ryä qachiʼil. Tapeʼ chwäch ryä kan nqayaʼ ruqʼij taq pa qamoloj jun qachʼalal nchʼö rkʼë pa qawiʼ jontir, ¿achkë komä nunaʼ taq pa qayonïl yalöj nqchʼö rkʼë rchë nqaʼij che rä achkë nqanaʼ chqä achkë nqaquʼ? Ryä kan kowan jaʼäl nutzʼët riʼ (Pr 15:8).

TAQ XATZʼËT YÄN RI VIDEO RI YICHʼÖ RKʼË JEHOVÁ KAN KOWAN RUQʼIJ CHI NWÄCH RÏN, KEʼAQʼALAJSAJ RE KʼUTUNÏK REʼ:

• ¿Achkë samaj yerubʼanon pä ri qachʼalal Johnson chpan rutinamit Jehová?

• ¿Ajän xchʼö ri qachʼalal Johnson rkʼë Jehová rchë xkʼutuj rutoʼik che rä?

• ¿Achkë natamaj qa rït chrij ri xqʼaxaj ri qachʼalal Johnson?