Ri kʼlanen ma jun atzʼanen ta

Ri winäq ri ütz ye bʼenäq pa kikʼlajil nkiyaʼ ruqʼij Jehová chqä kiʼ kikʼuʼx (Mr 10:9). We jun cristiano nrajoʼ chë ütz nbʼä pa rukʼlajil, kʼo chë nutzʼët achkë nuʼij le Biblia taq nukanuj achoq rkʼë xtkʼleʼ wä.

Ma tachäp ta ruchʼbʼexik jun winäq, we kʼa yït kʼo na chkipan ri junaʼ taq kʼo más ruchqʼaʼ ri nurayij achʼakul, rma ya riʼ rkʼë jbʼaʼ xa xtuʼän chë ma ütz ta ri xtachaʼ (1Co 7:36). Loman ma yït kʼlan ta na, takowirsaj awachbʼilanïk rkʼë Dios chqä tatjaʼ aqʼij rchë njeʼ runaʼoj Cristo awkʼë. We xtaʼän riʼ, xkatok jun utziläj achï o jun utziläj ixöq taq xkakʼleʼ.

Taq majanä kakʼleʼ, tatjaʼ aqʼij rchë natamaj achkë qäs runaʼoj ri achoq rkʼë nawajoʼ yakʼleʼ wä (1Pe 3:4). We kʼo ma nqä ta chawäch chrij runaʼoj, katzjon rkʼë chrij riʼ. We nawajoʼ ütz nakʼwaj awiʼ rkʼë ri akʼlaj, rït kʼo chë más naquʼ rij ri nkʼatzin che rä ryä chwäch ri nkʼatzin chawä rït (Flp 2:3, 4). We yeʼasmajij ri naʼoj ye kʼo chpan le Biblia taq ma yït kʼlan ta na, más chaq bʼaʼ xtuʼän chawäch xkeʼasmajij taq xkakʼleʼ. Riʼ xtuʼän chë kan kiʼ akʼuʼx xtaʼän rkʼë akʼlaj.

TAQ XATZʼËT YÄN RI VIDEO ¿ACHKË NKʼATZIN NATZʼËT NA WE NAWAJOʼ YAKʼLEʼ? PERAJ 3: TATZʼETAʼ NA RUNAʼOJ RI WINÄQ, KEʼAQʼALAJSAJ RE KʼUTUNÏK REʼ:

• Taq ri qachʼalal pa video xkichäp kichʼbʼexik kiʼ, ¿achkë wä rubʼanon chkiwäch?

• Taq qachʼalal ixöq najin wä nutamaj más ruwäch Shane, ¿achkë xtzʼët chrij?

• ¿Achkë rubʼanik xtoʼöx qachʼalal rma ruteʼ rutataʼ, y achkë xuʼän?