Ri rubʼanon qa Jehová nukʼüt chë ütz nqakʼuqbʼaʼ qakʼuʼx chrij runaʼoj

¿Kantzij komä chë Jehová ronojel mul retaman achkë más ütz chqë röj? ¡Jaʼ, retaman! We qayaʼon riʼ chwäch qan, xtqayaʼ qʼij chë yë Jehová xtkʼwan qabʼey, ke riʼ xtqakʼüt chë kʼo qanaʼoj (Pr 16:3, 9). Ye kʼa rkʼë jbʼaʼ kʼayewal nuʼän chqawäch nqasmajij ri naʼoj yeruyaʼon pä taq kʼo jun ma ke riʼ ta rubʼanik nqajoʼ nqaʼän che rä. Röj xtqakʼuqbʼaʼ más qakʼuʼx chë runaʼoj Jehová ya riʼ ri más ütz we xtqchʼobʼon chrij ri rubʼanon qa (Pr 30:24, 25; Ro 1:20).

TAQ XATZʼËT YÄN RI VIDEO ¿KʼO KOMÄ JUN XBʼANÖ RCHË? ¿ACHKË RMA RI SANÏK CHAQ BʼAʼ NKIJALALAʼ KIʼ PA BʼEY TAPEʼ KAN YE KʼÏY?, KEʼAQʼALAJSAJ RE KʼUTUNÏK REʼ:

• ¿Achkë nkiʼän ri sanïk ronojel qʼij?

• ¿Achkë rma ri sanïk chaq bʼaʼ nkijalalaʼ kiʼ pa bʼey tapeʼ kan ye kʼïy?

• ¿Achkë nqatamaj qa röj, ri winäq, chrij ri rubʼanik nkijalalaʼ kiʼ ri sanïk?

TAQ XATZʼËT YÄN RI VIDEO ¿KʼO KOMÄ JUN XBʼANÖ RCHË? RI RUBʼANIK NBʼÄ CHKAJ RI ABEJORRO, KEʼAQʼALAJSAJ RE KʼUTUNÏK REʼ:

• ¿Achkë rma kʼayewal nuʼän chkiwäch ri winäq nkikʼwaj jun koʼöl avión?

• ¿Achkë nuʼän ri abejorro rchë nkowin nbʼä chkaj tapeʼ kowan kaqʼiqʼ?

• ¿Achkë rubʼanik ütz nuksäx ri naʼoj nkikʼüt ri abejorros?

Rkʼë ri atzʼeton chrij ri rubʼanon qa Jehová, ¿achkë rma naʼij rït chë ryä kowan runaʼoj?