Más ütz tabʼanaʼ che rä rutzjoxik le Biblia: Tatzjoj le Biblia pa teléfono

¿ACHKË RMA KʼO REJQALEN? Ri rutzjoxik le Biblia pa teléfono kan jun ütz rubʼanik rchë ntzjöx ri utziläj taq rutzjol (Hch 20:24).a Reʼ nqrtoʼ rchë nqkowin nqatzjoj le Biblia che rä jun winäq, taq xa bʼa achkë na kʼa rma, ma ütz ta nqapon chrachoch.

¿ACHKË RUBʼANIK NAʼÄN CHE RÄ?

• 

  Tatjoj apü awiʼ. Tachaʼ jun naʼoj ri ütz naksaj kikʼë ri winäq pa a-territorio. Chrij riʼ, tatzʼibʼaj achkë nawajoʼ naʼij. We ri winäq ma nchʼö ta pä, tatzʼibʼaj äl jun koʼöl mensaje che rä ri akuchï naʼij wä äl achkë rma xaskʼij. Rkʼë jbʼaʼ ütz nayaʼ ri awuj pa ruwiʼ ri mesa chqä nkʼaj chik ri xkekʼatzin chawä, achiʼel jun dispositivo electrónico ri akuchï ütz natzʼët wä JW Library^® o jw.org^®.

• 

  Ma taxiʼij ta awiʼ. Katzjon, tzeʼël katzuʼun chqä tabʼanaʼ chë achiʼel ta ri winäq kan kʼo pä chriʼ chawäch. Ma taqʼät ta atzij we ma rajwaxik ta. Chqä ütz we kʼo jun awachiʼil njeʼ awkʼë. We ri winäq nuʼän jun kʼutunïk, rkʼë kuw achʼaʼäl takamluj ri kʼutunïk, ke riʼ ri awachiʼil xtkowin xkaturtoʼ rchë nawïl ruqʼalajsaxik ri kʼutunïk riʼ.

• 

  Tabʼanaʼ chë ri winäq nrajoʼ nakamluj ruchʼbʼexik. We ri winäq xyaʼ ruxkïn, tayaʼ qa jun kʼutunïk rchë naqʼalajsaj chwäch taq xtaskʼij chik jmul. Ütz natzüj jun publicación che rä chqä taʼij che rä chë xtatäq äl pa correo, pa Internet o xkabʼä chrachoch rchë xtabʼeyaʼ che rä. Chqä ütz natäq äl jun video o jun artículo che rä ri kʼo chpan qa-sitio pa Internet chpan jun mensaje o jun correo electrónico. We natzʼët rït chë ütz nuʼän, taʼij che rä chë ttok chpan qa-sitio pa Internet.