RI BʼEYOMÄL YEQÏL CHPAN LE BIBLIA | ÉXODO 35 Y 36

¿Achkë xtqtoʼö rchë xtqaʼän xa bʼa achkë samaj nuyaʼ Jehová chqë?

Ri loqʼoläj ruchqʼaʼ Jehová xerutoʼ Bezalel chqä Oholiab chë taq xkiʼän ri tabernáculo, kan achiʼel rubʼanik xuʼij qa Jehová, kan ke riʼ xkiʼän che rä. Komä chqä, Jehová yerutoʼ ri rusamajelaʼ rkʼë ri loqʼoläj ruchqʼaʼ. ¿Achkë kʼo chë nqaʼän rchë chë Jehová nuyaʼ pä ri loqʼoläj ruchqʼaʼ pa qawiʼ?

Tqakʼutuj che rä Jehová chë tyaʼ pä ri loqʼoläj ruchqʼaʼ pa qawiʼ chqä chë tqrtoʼ pä rchë kan más ütz xtqaʼän che rä jun samaj chpan rutinamit.
Ütz ütz tqatjoj qiʼ chrij le Biblia.
Tqayaʼ qan chkibʼanik ri samaj ri yeyaʼöx qa pa qaqʼaʼ.

Jalajöj achbʼäl ri akuchï yeqʼalajin testigos de Jehová taq najin yekiʼän samaj chpan rutinamit Dios: 1. Qachʼalal ixoqiʼ ri najin yetoʼon chkiyakik jay rchë nyaʼöx ruqʼij Dios chkipan. 2. Jun qachʼalal najin nutjoj riʼ rchë nuqʼaxaj ri Tjonïk chrij ri wuj Ri Chajinel. 3. Jun qachʼalal achï najin nutzjoj le Biblia che rä jun achï; ri rachiʼil ri qachʼalal riʼ chaq taqïl ntzuʼun apü rchë nutzʼët we majun ta policías yepë chkij. 4. Jun kʼlaj qachʼalal yebʼä pa Escuela para Evangelizadores del Reino.

¿Achkë samaj xkakowin xtaʼän rkʼë rutoʼik Jehová?