Tqaloqʼoqʼej ri qachbʼilanïk rkʼë Jehová

Röj, ri qajachon chik qiʼ pa ruqʼaʼ Jehová chqä yojqasan chik pa yaʼ, kʼo jun nimaläj utzil yaʼon qa pa qaqʼaʼ, y ya riʼ: ri nqkowin junan nuʼän qawäch rkʼë Jehová, ri Nimaläj Qʼatöy Tzij. Ryä nuksaj Rukʼajol rchë chë röj ütz nqjelun rkʼë chqä rchë nqrkʼoxaj taq nqchʼö qʼanäj rkʼë (Sl 34:15; Jn 6:44).

¿Achkë ütz nqaʼän rchë ma nchaʼ ta chiʼ ri qachbʼilanïk rkʼë Dios? Jun rubʼanik, ya riʼ ma nqaʼän ta ri itzelal ri xkiʼän ri israelitas. Taq kʼa riʼ jbʼaʼ tkiʼij che rä Jehová chë xa xuʼ ryä xtkiyaʼ ruqʼij, ryeʼ xkiʼän jun aläj wakx rkʼë oro chqä xkiyaʼ ruqʼij (Éx 32:7, 8; 1Co 10:7, 11, 14). Tqakʼutuj qa reʼ chqawäch: «Taq nkʼüt pä riʼ jun itzelal chi nwäch, ¿achkë nbʼän? ¿Nkʼüt kikʼë ri nbʼanobʼal chë nloqʼoqʼej ri wachbʼilanïk rkʼë Jehová?». Ri nimaläj ajowabʼäl nqanaʼ chrij ri Qatataʼ kʼo chkaj xtuʼän chqë chë ma xkeqaʼän ta bʼanobʼäl ri ma yeqä ta chwäch (Sl 97:10).

TAQ XATZʼËT YÄN RI VIDEO TQACHAJIJ RI QACHBʼILANÏK RKʼË JEHOVÁ (COL 3:5), KEʼAQʼALAJSAJ RE KʼUTUNÏK REʼ:

• ¿Achkë ntel chë tzij ri yajakʼäkʼ?

• ¿Achkë rma kʼo chë itzel nqatzʼët ri yajakʼäkʼ chqä ri nayaʼ kiqʼij nkʼaj chik dioses?

• ¿Achkë rma nqaʼij chë ri nakanuj rukʼexel akʼlaj xa junan jbʼaʼ rkʼë ri nayaʼ ruqʼij jun chik dios?

• ¿Achkë rma kowan rejqalen chë ri qachʼalal ri yaʼon jun kisamaj pa congregación nkiyaʼ ri nkʼatzin chkë ri kikʼlaj?