RI QAKʼASLEMAL RÖJ RI CRISTIANOS
Tqakʼamaʼ qanaʼoj chrij José y qanmäj äl chkiwäch ri tzʼil taq bʼanobʼäl
José xyaʼ qa jun utziläj tzʼetbʼäl chqawäch chrij ri ütz nqaʼän taq yojkichaqtiʼij rchë nqaʼän jun tzʼil bʼanobʼäl. Ri rixjayil Potifar xtäj ruqʼij rchë nwär qa rkʼë José, ye kʼa ryä ma xrajoʼ ta (Gé 39:7-10). José nuʼij wä che rä: «¿Achkë ta kʼa rma nbʼän jun mamaʼ itzelal riʼ chqä yimakun chwäch Dios?». Ri xuʼij xkʼüt chë ryä kan ruchʼobʼon wä chrij ri rubʼanik nutzʼët Jehová taq ri kʼlan taq winäq nkikanuj kikʼexel. Rma riʼ, taq José kʼo wä chwäch ri kʼayewal riʼ, ryä xanmäj äl, ke riʼ ma xyaʼ ta qʼij chë ri ixöq xkowin ta chrij rchë nuʼän jun mamaʼ mak (Gé 39:12; 1Co 6:18).
TAQ XATZʼËT YÄN RI VIDEO KATANMÄJ ÄL CHKIWÄCH RI TZʼIL TAQ BʼANOBʼÄL, KEʼAQʼALAJSAJ RE KʼUTUNÏK REʼ:
¿Achkë kʼayewal xrïl Kim?
¿Achkë xkʼutuj qa chwäch Kim taq Mee-Kyong xkʼutuj rutoʼik che rä rkʼë rusamaj rchë Matemáticas?
¿Achkë wä xnaʼ Kim rma ri runaʼoj xuʼän Mee-Kyong rkʼë?
¿Akuchï xrïl wä rutoʼik Kim?
¿Achkë xuʼän Kim rchë xanmäj chkiwäch ri tzʼil taq bʼanobʼäl?
¿Achkë naʼoj nqatamaj qa chrij re video reʼ?