Ri xtqatzʼët chpan ri peraj 7

Chpan re peraj reʼ xtqtzjon chrij ri xbʼanatäj chkipan jun 80 jnaʼ, taq Saúl y David xeʼok reyes. Pa naʼäy, Saúl xnmaj rtzij Dios chqä ma xnaʼ ta riʼ. Pero chrij riʼ, xjalatäj rnaʼoj chqä ma xnmaj ta chik rtzij Dios. Pa rkʼisbʼäl, Jehová ma xrajoʼ ta chik Saúl y xuʼij che rä Samuel chë tchaʼ David rchë nbʼeʼok rey pa rwiʼ Israel. Saúl kan itzel xnaʼ che rä David, rma riʼ kʼïy mul xrajoʼ xkamsaj. Tapeʼ ke riʼ, David ma xtzolij ta rkʼexel che rä. Jonatán, ri rkʼajol Saúl, rtaman wä chë Jehová xchaʼ David rchë nbʼeʼok rey, rma riʼ ronojel mul xtoʼ. Tapeʼ Jehová kʼo mul xqʼïl David rma ri mamaʼ taq mak xeruʼän, ryä ronojel mul xkʼän ri toʼïk xyaʼöx che rä. Si rït yït teʼej o tataʼaj, keʼatoʼ ri akʼalaʼ rchë nqʼax chkiwäch chë más ütz naʼän jontir ri nuʼij Jehová.