PERAJ 9

¿Ajän xttok jun kotzʼijaläj ulew le Ruwachʼulew?

Ronojel ri kʼayewal najin yebʼanatäj nkikʼüt chë ri Ruqʼatbʼäl Tzij Dios xa naqaj chik kʼo pä (Lucas 21:10, 11; 2 Timoteo 3:1-5).

Kʼayewal ri yebʼanatäj chpan ri rukʼisbʼäl taq qʼij, achiʼel ri atzʼanen rma päq, ri chʼaʼoj, ri yabʼil, ri wayjal, ri akʼalaʼ ma nkinmaj ta chik kitzij kiteʼ kitataʼ chqä ri ye kʼlan taq winäq xa xuʼ chik chʼaʼoj nkiʼän chkiwäch

Le Biblia kan ojer chik rubʼin pä ronojel ri kʼayewal najin yeqatzʼët komä. Chriʼ nuʼij chë ri akʼalaʼ ma xtkinmaj ta chik kitzij kiteʼ kitataʼ chqä chë ri winäq kan itzel xtuʼän kinaʼoj, y xa más xtbʼä kan chrij ri päq chqä ri kʼastanen.

Chqä xuʼij chë xkebʼanatäj mamaʼ taq slonel chqä chʼaʼoj, xtjeʼ wayjal chqä xkepë kʼïy yabʼil. Kan achiʼel najin nbʼanatäj komä.

Jun testigo de Jehová najin nutzjoj ri utziläj taq rutzjol chrij ri Ruqʼatbʼäl Tzij Dios che rä jun achï

Jesús xuʼij chë ri utziläj taq rutzjol chrij ri Ruqʼatbʼäl Tzij Dios xttzjöx na chwäch ronojel le Ruwachʼulew (Mateo 24:14).

Ri Ruqʼatbʼäl Tzij Dios xtchüp ruwäch ronojel ri itzelal (2 Pedro 3:13).

Dios najin nuchüp kiwäch ri itzel taq winäq chpan ri Armagedón, y chrij riʼ xtchüp ruwäch Satanás chqä ru-demonios

Xa jbʼaʼ chik apü, Jehová xtchüp kiwäch jontir ri itzel taq winäq.

Satanás chqä ru-demonios xtchup kiwäch.

Jesús nuqʼät tzij pa ruwiʼ le Ruwachʼulew; winäq ri jalajöj kijatzul kan kiʼ kikʼuʼx yetzuʼun

Ri winäq ri xkekʼoxan rutzij Dios xkeyaʼöx chwäch jun kotzʼijaläj ulew. Chwäch ri ulew riʼ majun ta chik jun xtxiʼij riʼ rma jontir xtkajowalaʼ kiʼ chqä junan xtuʼän kiwäch.