Jɛɲɔgɔnya min bɛ tilennenya ani an ka miiriliw cɛ

An bɛ an ka tilennenya jira ka ɲɛsin Jehova ma an ka kumaw ni an ka ko kɛtaw fɛ, nka o dɔrɔn tɛ, an bɛ miiri fɛn minnu na, an bɛ an ka tilennenya jira olu fana fɛ. (Zaburu 19:14) O de la, Bibulu bɛ dusu don an kɔnɔ an ka miiri kow la minnu ye tiɲɛ ye, minnu bɛ bɛn bonyali ma, minnu tilennen bɛ, minnu jɛlen don, minnu ka di, minnu tɔgɔ ɲumanw bɔra, minnu ka ɲi ani minnu ka kan ni tanuli ye. (Filipekaw 4:8) Tiɲɛ don ko an tɛ se tuma bɛɛ ka miirina juguw bali u ka na an hakili la. Nka yɛrɛminɛli bɛ se ka an dɛmɛ an ka miirina juguw gɛn ka bɔ an hakili la ani ka miirina ɲumanw bila u nɔ na. Ni an ye mɔgɔ tilennenw ye an ka miiriliw la, o bɛ an dɛmɛ an ka to tilennenya la an ka kɛwalew fana na.—Marka 7:​21-23.

An ka kan ka an yɛrɛ tanga miirina sugu minnu ma, olu sɛbɛn tɛmɛsira ninnu bɛɛ kelen-kelen duguma:

Romɛkaw 12:3

Luka 12:15

Matiyu 5:28

Filipekaw 3:13