AN KA ƝƐNAMAYA KƐ IKO KRECƐNW
Ala hakilina ɲini
An b’a fɛ ka an kodiya Jehova ye an ka ko kɛtaw bɛɛ la. (Ntalenw 27:11) Walasa ka o kɛ, fo an ka latigɛliw kɛ minnu bɛ taa ni Jehova hakilina ye hali n’a y’a sɔrɔ ko sariya kɛrɛnkɛrɛnnen dɔ tɛ yen min bɛ an ɲɛminɛ o latigɛliw kɛli la. Mun de bɛ se ka an dɛmɛ o kɛli la?
To ka Bibulukalan kɛ don o don. Tuma o tuma, ni an bɛ ka Bibulu kalan, a bɛ kɛ iko an bɛ ka waati kɛ ni Jehova ye. Jehova ye a ka jamakulu minɛ cogo min na, ni an bɛ o jateminɛ, ani mɔgɔ minnu ye ko jugu walima ko ɲuman kɛ a ɲɛkɔrɔ, ni an bɛ olu ka misaliw sɛgɛsɛgɛ, an bɛ se ka fɛn caman dɔn Jehova hakilina kan. Ni an ka kan ka latigɛli dɔ kɛ, hakili senu bɛ se ka an hakili jigin kalansiraw ani sariyakolo nafamaw la an ye minnu kalan Ala ka Kuma kɔnɔ.—Yuhana 14:26.
Ɲininiw kɛ. Ni i ka kan ka latigɛli dɔ kɛ, i yɛrɛ ɲininka, ‘Bibulu tɛmɛsiraw walima Bibulu maana jumɛnw de bɛ se ka ne dɛmɛ ne k’a dɔn Jehova bɛ min miiri o ko kan?’ Jehova deli a k’i dɛmɛ, ani ɲininikɛ minɛn minnu bɛ sɔrɔ i ka kan na, baara kɛ ni olu ye ka i yɛrɛ dɛmɛ ka Bibulu sariyakolow sɔrɔ minnu ɲɛsinnen bɛ i ka ko ma ani ka u waleya.—Zaburu 25:4.
NIN WIDEYO LAJƐ: AN KA KAN KA “BOLI NI JIJALI YE”—AN KA BALO NAFAMAW DUN, O KƆ AW KA NIN ƝININKALI NINNU JAABI:
Degun jumɛnw de tun bɛ balimamuso kan wideyo in kɔnɔ?
I bɛ se ka baara kɛ ni ɲininikɛ minɛnw ye cogo di walasa ka i yɛrɛ dɛmɛ o degun suguw kɔnɔna na?
An bɛ nafa jumɛnw sɔrɔ ni an bɛ waati ta ka ɲininiw kɛ ani ka yɛrɛkalanw kɛ minnu bɛ an dɛmɛ ka latigɛli ɲumanw kɛ?—Heburuw 5:13, 14