Sɔn weleweledala wɛrɛw ka dɛmɛ ma

Walasa ka an dɛmɛ Jehova ye balimakɛw ni balimamusow di an ma diɲɛ fan bɛɛ. (1 Piɛrɛ 5:9) U bɛ se ka an dɛmɛ an ka se sɔrɔ gɛlɛyaw kan waajulibaara kɔnɔna na. Misali la, ciden Paul ye dɛmɛ sɔrɔ ka bɔ Akilas ni Prisiye, Silasi, Timote ani dɔ wɛrɛw yɔrɔ.—Kɛwalew 18:1-5.

Weleweledala wɛrɛw bɛ se ka i dɛmɛ cogo di waajulibaara kɔnɔna na? U bɛ se ka hakilina ɲumanw di i ma walasa i ka se sɔrɔ baro-jɔ-kumaw kan mɔgɔw bɛ to ka minnu lawuli ka caya, ka segin-ka-bɔnyew kɛ walima ka Bibulukalanw ɲini ani ka u ɲɛminɛ. Miiri mɔgɔ dɔ la min bɛ aw ka jɛkulu kɔnɔ ni o tigi bɛ se ka dɛmɛ lase i ma i mago bɛ min na ani ka o dɛmɛ ɲini a tigi fɛ. Siga t’a la ko o bɛna aw fila bɛɛ nafa wa o bɛna nisɔndiya lase aw fila bɛɛ ma.—Filipekaw 1:25.

WIDEYO LAJƐ MIN TƆGƆ YE KO KA MƆGƆW KƐ KALANDENW YE NISƆNDIYA MIN B’O LA, A ƝINI KA O SƆRƆ—SƆN JEHOVA KA DƐMƐ MA—AN BALIMAW, O KƆ AW KA NIN ƝININKALI NINNU JAABI:

• 

  Neeta y’a ɲini ka dusu don Jade kɔnɔ cogo di walasa a ka taa lajɛ dɔ la?

• 

  Mun na an ka kan k’a ɲini weleweledala wɛrɛw fɛ u ka an ka Bibulukalandenw ka kalanw kɛ ni an ye?

• 

  Fɛn jumɛn de tun ka di Jade ni Abigaïl fila bɛɛ ye?

• Dɔnko minnu bɛ waajulibaara la, weleweledala wɛrɛw bɛ se ka i kalan olu jumɛnw de la?