Yala i labɛnnen bɛ walasa ka sɛbɛn lafa Masaya Kibaru duman fɔbagaw ka lakɔli kama wa?

Yala i si hakɛ bɛ san 23 ka taa 65 la ani i bɛ waati dafalen cidenyabaara la wa? Yala i ka kɛnɛya ka ɲi wa? Yala i bɛ se ka taa yɔrɔ la magoba bɛ yɔrɔ min na wa? Ni i ye o ɲininkaliw bɛɛ jaabi ko: Ɔwɔ, o la yala i ye i hakili jagabɔ walasa ka sɛbɛn lafa walasa ka taa Masaya Kibaru duman fɔbagaw ka lakɔli la wa? Kabini o lakɔli kɛ ko fɔlɔ, furuɲɔgɔnmaw, cɛganaw ani musoganaw ba caman ye o lakɔli kɛli sɛbɛn lafa. O bɛɛ n’a ta, an mago b’a la cɛgana caman ka o sɛbɛn lafa. Ikomi a ka di i ye k’i ko diya Jehova ye, a ɲini a fɛ a ka o barika bonya ani i ka a Denkɛ ladege. (Zaburu 40:9; Matiyu 20:28; Heburuw 10:7) O kɔ, a jateminɛ, i bɛ se ka dɔ bɔ i ka baara la walima i yɛrɛ ka ko wɛrɛw la cogo min na walasa ka se ka taa o lakɔli la.

Mɔgɔ minnu ye o lakɔli kɛ, olu bɛ se ka baara sugu jumɛnw de kɛ Jehova ka baara la? Olu dɔw bilara ka taa yɔrɔw la, kan wɛrɛw bɛ fɔ yɔrɔ minnu na, seereya min bɛ kɛ jamamayɔrɔw la dugubaw kɔnɔ, dɔw bilara o kɛli la. Dɔw bɛ kɛ kafo lakɔlɔsibagaw dankanw ye, dɔw bɛ kɛ kafo lakɔlɔsibagaw ye, dɔw bɛ kɛ misiyɔnɛriw ye. Ni i bɛ ka miiri fɛnw kan, i bɛ se ka minnu kɛ Jehova ka baara la, yala i bɛ se ka Esayi hakilina ɲɔgɔn don i yɛrɛ la wa? O min y’a fɔ ko: “Ne, i ka ne ci.”—Esayi 6:8.

WIDEYO LAJƐ MIN TƆGƆ YE KO  LES MISSIONNAIRES : DES OUVRIERS DANS LA MOISSON, O KƆ AW KA NIN ƝININKALI NINNU JAABI:

• 

  Misiyɔnɛriw bɛ sugandi cogo di?

• 

  Misiyɔnɛriw bɛ ka baara ɲuman jumɛn de kɛ?

• 

  Duba minnu bɛ sɔrɔ misiyɔnɛriya la, olu dɔw ye jumɛnw ye?