Yala i bɛ se k’i ka waati ni i fanga di wa?

Iko Esayi y’a fɔ cogo min na, Jehova ka jɛkuluba min bɛ dugukolo kan bɛ ka ta’a fɛ ka ɲɛtaaw kɛ kosɛbɛ ka tɛmɛn fɔlɔ kan. (Esayi 54:2) Ka kɛɲɛ ni o ɲɛtaaw ye, an mago bɛ Masaya Sow, lajɛba sow ani tɔn bolofaraw baarakɛyɔrɔw jɔli la. Wa o sow jɔlen kɔ, u mago bɛ kɛ ladonni na ani tuma dɔw la yɛrɛ u mago bɛ kɛ lakurayali la. O bɛ cogoya jumɛnw de di an ma an ka an ka waati ni an fanga di Jehova ma?

• An bɛ se k’o kɛ an kɛtɔ ka an sen don Masaya So saniyali la ni o kɛli bɛ an ka waajulikɛ kulu de la

• An bɛ se k’a bɔ an yɛrɛ la k’a ɲini u ka an dege Masaya So ladonni na

• An bɛ se ka nin laɲini sɛbɛn lafa, Demande d’admission comme volontaire local développement/construction (DC-50) walasa ka to ka an sen don tuma ni tuma sojɔ ani so ladonni baaraw la minnu bɛ kɛ an ka yɔrɔw la

• An bɛ se ka nin laɲini sɛbɛn lafa, Demande d’admission comme volontaire (A-19) ani k’a bɔ an yɛrɛ la ka dɛmɛ kɛ dɔgɔkun kelen walima dɔgɔkun caman kɔnɔ an ka tɔn bolofara la Betɛli la walima ka baara wɛrɛw kɛ an ka tɔn bolofara bɛ ka minnu ɲɛminɛ

WIDEYO LAJƐ MIN TƆGƆ YE KO, SOJƆBAARA KURA DƆ BƐ KA LABƐN—YƆRƆ DƆ, O KƆ AW KA NIN ƝININKALI NINNU JAABI:

• Cogo jumɛn na baara kɛli cayara kosɛbɛ ni wideyow ye kabini san 2014?

• Walasa ka wideyow dilan an mago bɛ minnu na an ka batoli la, baara jumɛn de bolodara o kama? O baara bɛ daminɛ ani ka ban waati jumɛn?

• Minnu b’a fɛ k’a bɔ u yɛrɛ la ka baara kɛ, olu bɛ se ka dɛmɛ don cogo di nin baara la?

• Ni an b’a fɛ ka dɛmɛ don sojɔbaara la min bɛna kɛ Ramapo, mun na an ka kan ka DC-50 sɛbɛn lafa ani ka dɛmɛ don sojɔbaaraw la minnu bɛ ka kɛ an ka yɔrɔw la?

• Dalilu jumɛn b’a jira ko Jehova bɛ ka o baara ɲɛminɛ?

• An bɛ se ka o baara kɔkɔrɔdon cogo jumɛn na hali ni an yɛrɛbakun tɛ se ka kɛ o sojɔbaara kɛnɛ kan?