I bɛ se ka kalan jumɛn de sɔrɔ ka bɔ dɔnkili kɛrɛnkɛrɛnnenw na?

Dɔnkili kɛrɛnkɛrɛnnen minnu ka di i ye, olu dɔw ye jumɛnw ye? Mun na olu ka di i ye? Yala i y’a jateminɛ ko o wideyow kɔnɔkow bɛ an ka don o don ɲɛnamaya de kan wa? Dɔnkili ninnu barokunw ka ca ani u fɔlisenw tɛ kɛlen ye, o b’a to bɛɛ b’i ta sɔrɔ a la. O bɛɛ n’a ta, dɔnkili kɛrɛnkɛrɛnnen ninnu ani u wideyow ma dabɔ ɲɛnajɛ dɔrɔn kama.

Dɔnkili kɛrɛnkɛrɛnnen ninnu kelen o kelen bɛ kalansira nafamaw di an ma, an bɛ se ka minnu waleya an ka krecɛnya ni an ka waajulibaara kɔnɔna na. O dɔnkili dɔw sinsinnen bɛ mɔgɔ ladon, kelenya, teriya, jagɛlɛya, kanuya walima dannaya kan. Dɔ wɛrɛw b’a ɲini an fɛ an ka segin Jehova ma, ka yafa, ka to an ka kantigiya kan don o don ani ka tugu alako kuntilennaw kɔ. Hali dɔnkili kɛrɛnkɛrɛnnen dɔ bɛ yen min b’a jira an na ko an ka kan ka baara kɛ ni telefɔniw ye cogo bɛrɛbɛnnen na. I ye kalansira nafama wɛrɛ jumɛnw de sɔrɔ ka bɔ dɔnkili kɛrɛnkɛrɛnnenw na?

DƆNKILI KƐRƐNKƐRƐNNEN LAJƐ MIN TƆGƆ YE KO JUSTE À NOTRE PORTE, O KƆ AW KA NIN ƝININKALI NINNU JAABI:

• Nin furuɲɔgɔnma minnu kɔrɔlen don, olu bɛ ka miiri duba nata jumɛn de kan?—Jenɛse 12:3

• Se min bɛ Jehova bolo k’a ka layiduw tiimɛ, an bɛ an ka dannaya barika bonya ka ɲɛsin o ma cogo di?

• Ɲɔgɔnye duman jumɛnw de bɛna kɛ sɔɔni?

• Masaya bɛ jigiya min di an ma, o bɛ an dɛmɛ cogo di ka sisan gɛlɛyaw muɲu?—Romɛkaw 8:25