Samarika ɲuman ka ntalen

10:25-37

Yesu ye nin ntalen in da walasa ka ɲininkali in jaabi: “Jɔn dun ye ne mɔgɔ ɲɔgɔn ye?” (Luka 10:25-29) Yesu tun b’a dɔn ko “mɔgɔw bɛɛ” na kɛ krecɛn jɛkulu kɔnɔ—Samarikaw ani siya wɛrɛ mɔgɔw fana sen tun bɛna kɛ o mɔgɔw la. (Yuhana 12:32) Nin ntalen in ye Yesu nɔfɛmɔgɔw kalan ko u ka kan ka taa ɲɛ u ka kanuya jirali la ka ɲɛsin mɔgɔ wɛrɛw ma, hali danfaraba bɛ se ka kɛ u ni minnu cɛ.

I YƐRƐ ƝININKA:

• ‘Ne bɛ mun de miiri balimakɛw ni balimamusow ko la, minnu ni ne ka laadaw tɛ kelen ye?’

• ‘Yala ne ni mɔgɔ minnu ka kow ye kelen ye, ne bɛ to ka kɛ ni olu de ye tuma caman na wa?’

• ‘Yala ne bɛ se ka ne ka kanuya bonya ne kɛtɔ k’a ɲini ka ne balima krecɛnw dɔn ka ɲɛ, minnu ni ne tɛ bɔ yɔrɔ kelen na?’ (2 Kɔrɛntekaw 6:13)

Ne bɛ se ka jɔni wele . . .

• walasa an ka taa waajuli kɛ ɲɔgɔn fɛ?

• walasa an ka dumuni kɛ ɲɔgɔn fɛ ne ka so?

• ka na fara an kan walasa an ka anw ka denbaya ka Alabato nata kɛ ɲɔgɔn fɛ?