Bangebaaw, aw ye cogo bɛɛ la ɲuman di aw denw ma walasa u ka ɲɛtaa sɔrɔ

Bangebaa minnu bɛ siran Ala ɲɛ, olu bɛ kɔrɔtɔ ka u denw kɛlen ye Jehova batobaga kantigiw ye. Bangebaaw bɛ se ka u dɛmɛ ka o kɛ u kɛtɔ ka Bibulu kalansiraw don u denw dusukun na kabini u denmisɛnma. (Dutɛrɔnɔmɛ 6:7; Ntalenw 22:6) Yala o bɛ taa yɛrɛbakun dili kɔ wa? Siga t’a la ko ayi! Nka o cɛsiriw ni kɛli ka kan bawo nafa b’o la.—3 Yuhana 4.

Bangebaaw bɛ se ka fɛn caman kalan Yusufu ni Mariyama kan. U “tun bɛ taa Jerusalɛm Tɛmɛnkan seli la san o san,” hali n’a y’a sɔrɔ ko o tun tɛ taa baaraba ani wari caman bɔli kɔ. (Luka 2:41) A bɛ iko, Yusufu ni Mariyama ye u ka denbaya ka alako magow bila jɔyɔrɔ fɔlɔ la. O cogo kelen na, bi fana, bangebaaw bɛ se ka u denw bila sira ɲuman kan ni u bɛ cogoyaw bɛɛ ɲini ka u denw kalan u ka kumaw n’u ka walew fɛ.—Zaburu 127:3-5.

WIDEYO MIN TƆGƆ YE KO ILS ONT SAISI TOUTES LES OCCASIONS DE SERVIR JÉHOVAH, (o kɔrɔ ye ko: U ye cogoyaw bɛɛ ɲini walasa ka baara kɛ Jehova ye), O JIRA, O KƆ AW YE NIN ƝININKALI NINNU JAABI:

• Jon ani Sharon Schiller taara a fɛ cogo di ka Masaya bila jɔyɔrɔ fɔlɔ la hali k’a sɔrɔ u tun bɛ ka u denw lamɔ?

• Mun na bangebaaw mankan ka u denw bɛɛ kelen kelen kalan ka u ɲɛminɛ ani ka u kolo cogo kelen na?

• Bangebaaw bɛ se ka u denw labɛn cogo di, walasa u ka se sɔrɔ kɔrɔbɔliw kan minnu ɲɛsinnen bɛ u ka dannaya ma?

• I ye baara kɛ ni Jehova ka jɛkuluba ka baarakɛminɛn jumɛnw de ye, walasa ka i denw dɛmɛ, u ka taa ɲɛ alako ta fan fɛ?