Yali i y’a ɲini ka sɔn-ni-sɔn gafeninw hakɛ basigilen sɔrɔ wa?
1 Yali i delila ka taa foro baara ka lajɛ la ka tila ka na a ye ko sɔn-ni-sɔn gafeninw tɛ i ka waajulikɛbɔrɛ kɔnɔ wa? O tuma, i hakili to san 1995 Setanburukalo Ministère du Royaume ka farankan kumakun na, n’o tun ye “Faisons un excellent usage de nos périodiques” ye (Baara ɲuman kɛ n’an ka sɔn-ni-sɔn gafeninw ye). A tun b’a fɔ an ye k’an “k’a ɲini ka sɔn-ni-sɔn gafeninw hakɛ pereperelatigɛlen dɔ sɔrɔ.” A ko: “Sɔn-ni-sɔn gafeninw bɔko kelen-kelen bɛɛ hakɛ pereperelatigɛlen bɛnnen ɲini balimakɛ fɛ min bɛ o ko kunna. O cogo la, e n’i ka denbaya bɛna sɔn-ni-sɔn gafeninw hakɛ bɛnnen sɔrɔ tuma bɛɛ.” Yali i y’o kɛ wa?
2 Mun na i tɛna sɔn-ni-sɔn gafeninw hakɛ basigilen dɔ ɲini? I bɛn’a ye k’a wajibi b’i kan ka sɔn-ni-sɔn gafeninw tila-tila dɔgɔkun o dɔgɔkun. N’i y’o kɛ, o bɛna i ka nisɔndiya fana bonya. N’i y’a ɲini kaban ka hakɛ basigilen dɔ sɔrɔ, a lajɛ ko kura n’i mago bɛ hakɛ min ɲɔgɔn na kalo kɔnɔ cidenyabaara la, n’i b’o hakɛ de sɔrɔ. Siga t’a la k’an b’a fɛ ka kɛ kantigi ye k’an ka hakɛ ɲininen ta dɔgɔkun o dɔgɔkun. An ka kan k’a dɔn k’a wajibi b’an kan k’a kɛ o cogo la. N’a y’a sɔrɔ i bɛna i yɔrɔ janya jɛkulu la waati jan kɔnɔ, sɔn-ni-sɔn gafeninw dibaga ladɔnniya n’i b’a fɛ a k’i ka sɔn-ni-sɔn gafeninw labila mɔgɔ wɛrɛ ye fo i ka kɔsegin ka na.
3 O farankan kelen min kofɔra sanfɛ, a b’a fɔ fana k’an ka kan ka “don basigilen dɔ boloda sɔn-ni-sɔn gafeninw kama.” Yali i bɛ se ka sɔn-ni-sɔn gafeninw don kɔkɔrɔmadondo dɔgɔkun o dɔgɔkun wa? Iko a jirala cogo min na Calendrier des Témoins de Jéhovah 1999 (Jehowa Seerew ka san 1999 donjatelan) kɔnɔ, o ye san Sibiri kelen-kelen bɛɛ de ye! La Tour de Garde ni Réveillez-vous! tila-tilali nafa kana dɔgɔya i bolo. N’an b’an cɛsiri k’an niyɔrɔ dafalen kɛ sɔn-ni-sɔn gafeninw baara la, an bɛ “fɛn fisaman kibaru duman” lase an mɔgɔɲɔgɔnw ma.—Esa. 52:7, NW.