Denbaya ka hɛrɛ gundo ye mun ye?

BIBULU BƐ NIN DE FƆ

“Minnu bɛ Ala ka kuma lamɛn k’a kɛ, olu ye dubadenw de ye!”—Luka 11:28, Bible Senuma, 1996.

O KƆRƆ BƐ SE KA KƐ MIN YE E BOLO

Aw bɛ Kanuya sɛbɛ bɛ sɔrɔ.—Efesekaw 5:28, 29.

Bonya lakika bɛ kɛ aw ni ɲɔgɔn cɛ.—Efesekaw 5:33.

Dannaya ka kɛ aw ni ɲɔgɔn cɛ.—Marka 10:6-9.

BIBULU BƐ MIN FƆ YALA AN BƐ SE KA DA O LA TIGITIGI WA?

Ɔwɔ, kun fila kosɔn:

• Ala de ye denbaya jusigibaga ye. Bibulu b’a fɔ ko Jehova Ala de ye furu fɔlɔ siri. (Jenɛse 2:18-24) Fɔ cogo wɛrɛ la, denbaya bɛ yen ka d’a kan Jehova de y’a da. Mun na o dɔnni nafa ka bon?

  Misali la: Ni dumuni dɔ nege bɛ i la ani ni i b’a fɛ ka a ɲini k’a dɔn nafɛn minnu bɛ kɛ k’a tobi, yala e bɛna jɔni ɲininka? Yɔrɔ, a bɛnnen don i ka mɔgɔ dɔ ɲininka min bɛ se o dumuni tobi cogo la?

  O cogo kelen na walisa k’a dɔn nafɛn minnu bɛ se ka nisɔndiya lase denbaya ma, a ka fisa an ka an ɲɛsin Jehova ma, o min ye denbaya jusigibaga ye.

• Ala bɛ a janto i la. Denbaya hakilitigiw b’a ɲini ka tugu Jehova ka ladilikanw kɔ, a ye minnu di a ka kuma kɔnɔ. Mun na? “Katuguni a bɛ a janto aw la.” (1 Piɛrɛ 5:6, 7) Fɛn min ka ɲi, Jehova bɛ o de fɛ ka ɲɛsin i ma wa a ka ladilikanw bɛ o de lase i ma tuma bɛɛ!—Ntalenw 3:5, 6; Esayi 48:17, 18.